24.11.2024 | 11:53
Մխիթարյանն սկսել է ինքնակենսագրական գիրք գրել
Ինչ է ուղարկել Ֆրանսիան. Փարիզի քաղաքապետը ներկայացնում է 10 բեռնատարների պարունակությունը․ ՏԵՍԱՆՅՈՒԹ
Տեսանյութեր
30.08.2023 | 15:09
Արցախի նախագահ Արայիկ Հարությունյանը և Փարիզի քաղաքապետ Անն Իդալգոն օգոստոսի 30-ին առցանց համատեղ ասուլիս են անցկացնում:
Նշենք, որ Արցախի մայրաքաղաք Ստեփանակերտում բարձրացրել են Ֆրանսիայի դրոշը՝ ի նշան երախտագիտության:
Հիշեցնենք, որ օգոստոսի 30-ին Փարիզի քաղաքապետ Անն Իդալգոն Հայաստան է ժամանել՝ այցելելու Լաչինի միջանցքի սկզբնամաս և ուղեկցելու Ֆրանսիայից ժամանած մարդասիրական բեռներով ավտոշարասյունը, որը նախատեսված է Արցախի համար:
Ֆրանսիայի քաղաքներից Արցախին ուղարկված հումանիտար բեռներով 10 բեռնատար մեքենաներն առավոտյան Երևանից շարժվել են դեպի Լաչինի միջանցքի սկզբնամաս՝ Կոռնիձորի անցակետ:
Հումանիտար օգնությունը հատկացրել են Փարիզ քաղաքը, Իլ դը Ֆրանս, Օվերն-Ռոն-Ալպ, Օ դը Ֆրանս, Օքսիտանիա, Լուարի երկիր ռեգիոնները։
Իր խոսքում Փարիզի քաղքապետը շնորհակալություն հայտնեց Արայիկ Հարությունյանին․ «Շնորհակալություն եմ ուզում հայտնել Ձեզ, պարո՛ն նախագահ և մեր պատվիրակության բոլոր անդամներին: Մենք եկել ենք այստեղ՝ վկայելու և արտահայտելու մեր աջակցությունն ու բարեկամությունը»:
«Այստեղ ներկայացված է Ֆրանսիայի 6 շրջան: Պատվիրակությունը ներառում է ամենատարբեր կուսակցությունների, ամենատարբեր հայացքների մարդկանց, բայց բոլորիս միավորում է Հայաստանն ու Արցախը:
Ի դեպ, ուզում եմ շնորհակալություն հայտնել Արցախի ու ՀՀ իշխանություններին, Սյունիքի մարզպետին, Գորիսի քաղաքապետին՝ մեզ այստեղ դիմավորելու համար և, վերջապես, Արա Թորանյանին (ֆրանսահայ կազմակերպությունները համակարգող խորհրդի համանախագահ)», – հայտարարեց քաղաքապետը:
Իդալգոն նշեց, որ այսօր այստեղ են, քանի որ Ֆրանսիայում հայկական կազմակերպությունները համակարգող խորհուրդը դիմել է իրենց, և նշեց, որ ժամանակն է միավորվել և գործել, որպեսզի Արցախին մարդասիրական օգնություն տրամադրվի։
«Շնորհիվ անմիջական արձագանքման և համախմբման՝ մենք կարողացանք 10 բեռնատար ուղարկել, որոնք պարունակում են պարենային սնունդ, գեներատորներ, արևային պանելներ, այսինքն՝ այն ամենը, որը հնարավարություն կտա դիմադրել: Այս մարդասիրական օգնությունը նախատեսված է Արցախի 6 քաղաքների համար, որոնք 2022 թվականի դեկտեմբերից արդեն շրջափակման մեջ են»,- նշեց Ֆրանսիայի քաղքապետը։
Մանրամասները՝ տեսանյութում։
