19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Մսխվում են գումարները. Հայկ Մարության․ ՏԵՍԱՆՅՈՒԹ
Քաղաքականություն
28.08.2023 | 19:07
Քարոզարշավ իրականացնող Երևանի քաղաքապետի թեկնածու Հայկ Մարությանը պատասխանել է Factor.am-ի հարցերին։
Երևանի Աջափնյակ թաղամասում քարոզարշավ է իրականացնում Երևանի քաղաքապետի թեկնածու Հայկ Մարությանը։
Factor.am-ի հետ զրույցում անդրադառնալով հարցին, թե ինչու իր պաշտոնավարման ժամանակ կառավարությունից լրացուցիչ գումարներ չէր վերցնում Երևանի խնդիրները լուծելու համար, Մարությանը վստահեցրեց, որ 2019թ․ սկսած՝ անընդհատ կառավարությունից գումարներ է խնդրել խնդիրներին լուծում տալու համար՝ այդ թվում՝ վերելակների, տրանսպորտի և բակերի նորոգման համար, քանի որ Երևանի բյուջեն բավարար չէր առկա խնդիրները լուծելու համար․ «Բայց ցավոք սրտի, կառավարությունը գումարներ չէր տրամադրում։
Երբ որ ինձ հանեցին այս պաշտոնից՝ ՔՊ-ի ավագանու օգնությամբ, այս տարի արդեն միանգամից կառավարությունը բավականին մեծ գումար տվեց, ինչն ինձ համար ուրախալի է։ Մի փոքր տխուր բան կա, դա այն է, որ այսօրվա իշխանությունը ճիշտ չի իրացնում այդ գումարները, այսինքն՝ ինչ-որ նպատակների են գնում, բայց աշխատանքներն անորակ են, և փաստացի մսխվում են գումարները։ Տպավորություն է, որ այս ընտրություններից առաջ ուղղակի մեծ գումարներ է տվել կառավարությունը։ Ինչ ասեմ, կարելի է ամեն տարի ընտրություններ անել, որ Երևան քաղաքը շատ գումարներ ստանա»։
Մանրամասները՝ տեսանյութում։
