01.05.2026 | 13:42
Մայիսմեկյան տոնական շքերթ Երևանի կենտրոնում․ ՈՒՂԻՂ
Ղրղզստանի իշխանությունները հայց են ներկայացրել Kloop Media-ն լուծարելու համար
Քաղաքականություն
28.08.2023 | 22:28
Բիշքեկի դատախազությունը Kloop Media-ի դեմ լուծարման հայց է ներկայացրել մայրաքաղաքի Օկտյաբրսկի և Պերվոմայսկի շրջանային դատարաններ։ Փաստաթղթում նշվում է, որ հայցի պատճառն այն է, որ «գործունեության իրականացումը դուրս է կանոնադրությամբ նախատեսված շրջանակներից»։
Ըստ հայտարարության՝ Kloop Media-ն գրանցված չէ պետական լրատվամիջոցների ռեգիստրում, և կազմակերպության կանոնադրությունը չի հստակեցնում տեղեկատվության տարածումը, թեև դրանում ասվում է, որ «երիտասարդներին և քաղաքացիական հասարակության այլ ներկայացուցիչներին տեղեկատվական հարթակ է տրամադրում իրենց ազատ արտահայտման համար երկրում հասարակական-քաղաքական և տնտեսական գործընթացների վերաբերյալ»։
Նշվում է, որ Kloop Media-ի հրապարակումները բացասական ազդեցություն են ունենում Ղրղզստանի վրա։
Հայտարարության մեջ ասվում է, որ Ազգային անվտանգության պետական կոմիտեն հետաքննություն է անցկացրել՝ հիմնվելով Kloop-ի կողմից տարբեր ժամանակներում հրապարակված նյութերի վրա։ Դրանից հետո եկել են այն եզրակացության, որ հրապարակումները «ուղղված են գործող իշխանության ներկայիս քաղաքականությունը սուր քննադատելուն։ Ընդ որում՝ հրապարակումների մեծ մասը զուտ բացասական են՝ ուղղված պետական և քաղաքային մարմինների ներկայացուցիչներին վարկաբեկելուն»։
