Ավինյանի քարոզչական պաստառը փակցվել է մի շենքի պատին, որը չկա ԿԸՀ հրապարակած ցանկում

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Այսօր Երևանի ավագանու ընտրությունների նախընտրական քարոզարշավի 6-րդ օրն է։ Իշխող «Քաղաքացիական պայմանագիր» կուսակցության քաղաքապետի թեկնածու, Երևանի քաղաքապետի տեղակալ Տիգրան Ավինյանի քարոզչական պաստառը օգոստոսի 27-ին փակցվել է Շենգավիթ վարչական շրջանի ամենաբանուկ հատվածներից մեկի՝ Սողոմոն Տարոնցու 22 հասցեի շենքի պատին։ Այն գտնվում է մետրոպոլիտենի «Շենգավիթ» կայարանի դիմաց։

Պաստառը փակցված է հենց շենքի պատին՝ այսինքն, այստեղ չկա գովազդային պաստառների տեղադրման համար նախատեսված վահանակ, այն նաև փակցված չէ որևէ մեկի պատշգամբին կամ պատուհանին։ Այս հանգամանքը հաշվի առնելով փորձել ենք պարզել՝ արդյո՞ք այս պատն ընդհանրապես նախատեսված է քարոզչական ցուցապաստառների համար։ Factor.am-ն ուսումնասիրել է քարոզարշավի շրջանակներում քաղաքական ուժերին ցուցապաստառների տեղադրման համար վճարովի և անվճար հիմունքերով տրամադրվող տարածքների ցանկը։ Կենտրոնական ընտրական հանձնաժողովի պաշտոնական կայքում հրապարակված ցուցակների համաձայն՝ Տարոնցու փողոցի 22 հասցեի շենքը որևէ ցանկում ներառված չէ։

Երևանի ավագանու ընտրություններին դիտորդական առաքելություն իրականացնող «Անկախ դիտորդ» հասարակական դաշինքի ներկայացուցիչ Դանիել Իոաննիսյանն այս առնչությամբ Factor․am-ի հարցին ի պատասխան ասաց․ «Եթե պատուհանի կամ պատշգամբի վրա չէ, ուրեմն խախտում է»։

Նշենք, որ ՀՀ ընտրական օրենսգրքի 21-րդ հոդվածի 2-րդ մասի համաձայն բազմաբնակարան կամ ստորաբաժանված շենքերի վրա քարոզչական պաստառ, քարոզչական տպագիր կամ այլ նյութեր կարող են տեղադրվել միայն ֆիզիկական անձի սեփականություն հանդիսացող տարածքում՝ այդ թվում, պատշգամբներում, պատուհանների վրա կամ արտաքին պատերին տեղադրված վճարովի գովազդային վահանակների վրա։ Ինչպես արդեն արձանագրել ենք, այս շենքի վրա գովազդային վահանակ չկա տեղադրված։

Factor.am-ը փորձեց պարզաբանում ստանալ Տիգրան Ավինյանի նախընտրական շտաբի ղեկավար Արմեն Փամբուխչյանից, սակայն նրա հետ կապ հաստատելու մեր բոլոր ջանքերն անցան ապարդյուն։

Նարեկ Կիրակոսյան