03.10.2026 | 15:07
ՄԻՊ-ը և ՅՈՒՆԻՍԵՖ-ը քննարկել են երեխաների իրավունքների պաշտպանության առաջնահերթությունները
Աղբահանության հիմնարկում եմ աշխատում, աշխատավարձս բարձրացրե՛ք. քաղաքացին` Ավինյանին․ ՏԵՍԱՆՅՈՒԹ
Հասարակություն
23.08.2023 | 17:46
«Քաղաքացիական պայմանագիր» կուսակցությունը ազդարարում է նախընտրական քարոզարշավի մեկնարկը։
Երևանի ավագանու ընտրություններին մասնակցող «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանն այսօր իր նախընտրական քարոզարշավը սկսել է Նուբարաշեն վարչական շրջանից։
Այս վարչական շրջանում առաջիկա հինգ տարվա ամենակարևոր ծրագիրն աղբավայրի կոնսերվացումն է: Թեկնածուն խնդիրը կարգավորելու խոստում տվեց ներկաներին:
«Աղբահանության հիմնարկում եմ աշխատում, աշխատավարձս բարձրացրե՛ք»,- դիմելով քաղաքապետի թեկնածուին՝ հորդորեց քաղաքացին։ Ավինյանը շնորհակալություն հայտնեց կատարված աշխատանքների համար։
Քաղաքացիները, դիմելով Ավինյանին, առաջարկեցին խնդիրների լուծման համար նախ բարձրացնել աշխատավարձերը, պարգևավճարներ տալ։
«Առհասարակ նախատեսում ենք ռեֆորմ իրականացնել, վերանայել աշխատավարձային ֆոնդը»․- պատասխանեց Ավինյանը։
Նուբարաշեն համայնքի բնակիչներն Ավինյանին ներկայացրին նաև տրանսպորտի, ոռոգման ջրի, գազի և այլ խնդիրներ:
Ավինյանը վստահեցրել, որ Երևանում հանրային տրանսպորտն այլ տրամաբանությամբ է զարգանալու՝ լինելու են քչաքանակ, սակայն առավել տարողունակ ավտոբուսներ։
Մանրամասները՝ տեսանյութում։
