08.10.2026 | 17:52
Եվրախորհրդարանը կոչ է անում պատժամիջոցներ սահմանել Իրանում, Վրաստանում և Ադրբեջանում բռնաճնշումների պատասխանատուների նկատմամբ
ԱԹՍ-ները հարվածել են Օդեսայի մարզի հացահատիկի ամբարներին
Քաղաքականություն
23.08.2023 | 11:43
Ուկրաինայի Օդեսայի մարզը գիշերը ենթարկվել է ԱԹՍ-ների հարձակման։ Հարվածներ են հասցվել հացահատիկի ամբարներին և արտադրական ու բեռնման համալիրին։
Ուկրաինայի ՊՆ հաղորդագրության համաձայն՝ հակաօդային պաշտպանության ուժերի կողմից ոչնչացվել են «Շահեդ-136/131» տիպի ինը անօդաչու թռչող սարքեր, սակայն եղել են նաև հարվածներ, գրում է BBC-ի ռուսական ծառայությունը։
«Պահեստում հրդեհ է բռնկվել, հրդեհն արագ տեղայնացվել է։ Հրշեջ-փրկարարները շարունակում են աշխատանքը։ Խաղաղ բնակչության շրջանում զոհեր չկան։»,- ասվում է հաղորդագրության մեջ։
Օդեսայի տարածաշրջանային ռազմական վարչակազմի ղեկավար Օլեգ Կիպերն իր հերթին հայտնել է, որ ռուս զինվորականները երեք ժամ հարվածային անօդաչու սարքերով գրոհել են Օդեսայի շրջանի հարավը։
