01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Շարքից դուրս եկած 23 «Հայգեր»-ներից հույս չկա․ էլեկտրոավտուբուսների գործընթացը պիտի արագացնենք․ ՏԵՍԱՆՅՈՒԹ
Տնտեսություն
21.08.2023 | 10:47
Առկա է 249 «ՀԱԳԵՐ» մակնիշի ավտոբուս, որից ընդամենը 120-ն է շահագործվում։ Այս մասին այսօր Երևանի քաղաքապետարանի գործակարգավարական նիստի ժամանակ տեղեկացրեց «Երևան ավտոբուս» ՓԲԸ տնօրեն Հովհաննես Մանուկյանը։
Երևանի քաղաքապետի տեղակալ Տիգրան Ավինյանը հետաքրքրվեց պահեստամասերից, որոնք ձեռք էին բերվել, որպեսզի վերականգնվեին ավտոբուսները։
Մանուկյանը հայտնեց, որ շուրջ 27 ավտոբուս վերականգնվել է, իսկ մնացածն ընթացքի մեջ են, և ակնկալվում է, որ կվերականգնվի ևս 23-ը:
Նա նաև տեղեկացրեց, որ պիտանիության ժամկետը լրանում է, և մեկ տարվա համար այդքան գումար ներդնելու անհրաժեշտություն չկա:
«Այսինքն՝ շարքից դուրս եկած 23 «Հայգեր»-ներից հույս չկա։ Եկեք արագացնենք էլեկտրոավտոբուսների ձեռքբերման հետ կապված գործընթացը, որը պլանավորում էինք փոխարինել 249 «ՀԱԳԵՐ» մակնիշի ավտոբուսներով»,- ասաց Ավինյանը։
Մանրամասները՝ տեսանյութում։
