14.09.2026 | 11:22
Սիսիանի «Մայիսի 28» զբոսայգու 10-րդ հողամասը վերադարձվել է համայնքին
Ռուսաստանում կալանավորվել է «Գոլոս» շարժման համանախագահ Գրիգորի Մելքոնյանցը
Քաղաքականություն
18.08.2023 | 22:54
Մոսկվայի Բասմանի դատարանը մինչև հոկտեմբերի 17-ը կալանավորել է ընտրողների իրավունքների պաշտպանության «Գոլոս» («Ձայն») շարժման համանախագահ Գրիգորի Մելքոնյանցին, որն ավելի վաղ ձերբակալվել էր Ռուսաստանի Դաշնությունում անցանկալի կազմակերպության գործունեության գործով։ Այսպիսով, դատարանը բավարարել է կալանքի վերաբերյալ հետաքննության միջնորդությունը, գրում է DW-ի ռուսական ծառայությունը։
Իրավապաշտպանն ու նրա փաստաբանները դատարանին խնդրել են մերժել տնային կալանքը կամ որոշ գործողությունների արգելումը որպես խափանման միջոց կիրառելու միջնորդությունը։
Մելքոնյանցին մեղադրանք է առաջադրվել Ռուսաստանի Դաշնության տարածքում անցանկալի կազմակերպության գործունեությունը կազմակերպելու համար։
Գրիգորի Մելքոնյանցին «անցանկալի» կազմակերպության գործունեությունը կազմակերպելու քրեական գործով որպես կասկածյալ ձերբակալելու և հարցաքննելու մասին հայտնի դարձավ նախօրեին։ Նույն հոդվածով մեղադրվում է «Գոլոսի» համակարգող Վլադիմիր Եգորովը։ Մելքոնյանցին սպառնում է մինչև վեց տարվա ազատազրկում։ Անվտանգության ուժերը ներխուժել են «Գոլոսի» համանախագահի և կազմակերպության 14 տարածաշրջանային համակարգողների տուն ութ շրջաններում, այդ թվում՝ Մոսկվայում, Կազանում և Սանկտ Պետերբուրգում:
