24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Ռուսաստանում լուծարվել է Սախարովի կենտրոնը
Քաղաքականություն
18.08.2023 | 22:44
Մոսկվայի քաղաքային դատարանը լուծարել է Սախարովի կենտրոնը՝ բավարարելով Ռուսաստանի Դաշնության Արդարադատության նախարարության մայրաքաղաքային վարչության համապատասխան վարչական հայցը։ Անդրեյ Սախարովի կենտրոնը, որը գործում է 1990 թվականից, կհանվի իրավաբանական անձանց պետական ռեգիստրից։ Որոշումը կայացրել է դատավոր Վյաչեսլավ Պոլիգան, գրում է DW-ի ռուսական ծառայությունը։
Հայցադիմումում նշվում էր, որ ՀԿ-ի գործունեության ստուգման ընթացքում բացահայտվել են «օրենքի համակարգված կոպիտ և անուղղելի խախտումներ»։ Ի թիվս այլ բաների՝ Արդարադատության նախարարությունը մատնանշել է տարածքային գործունեության սկզբունքի խախտումը «Անդրեյ Սախարովը՝ դարաշրջանի մարդ» շրջիկ ցուցահանդեսն անցկացնելիս այն շրջաններում, որտեղ Սախարովի կենտրոնը մասնաճյուղեր չուներ։
Բացի այդ, Սախարովի կենտրոնը, որը ՌԴ իշխանությունների կողմից ճանաչվել է որպես «օտարերկրյա գործակալ», կայքում տեղադրել է տեսանյութեր՝ առանց համապատասխան մակնշման, ինչի համար բազմիցս ենթարկվել է վարչական պատասխանատվության։ Գործակալությունը խախտումներ է հայտնաբերել նաև կազմակերպության հիմնադիր փաստաթղթերում։
Սախարովի կենտրոնի աշխատակիցները չեն ընդունել խախտումների փաստը և դատարանին խնդրել են մերժել Արդարադատության նախարարության հայցը։
Անդրեյ Սախարովի թանգարանը և հասարակական կենտրոնը (2012 թվականից՝ Սախարովի կենտրոն) ստեղծվել է 1990 թվականին՝ պաշտպանելու իրավապաշտպան, այլախոհ և ֆիզիկոս Անդրեյ Սախարովի ժառանգությունը՝ նրա այրու՝ Ելենա Բոների, ընկերների և գործընկերների նախաձեռնությամբ։
