14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Գլոբալ տաքացումն առաջիկայում նոր ռեկորդներ կսահմանի․ ՄԱԿ-ի նախազգուշացումը
Քաղաքականություն
18.08.2023 | 23:17
Առաջիկա հինգ տարիների ընթացքում գլոբալ ջերմաստիճանը կհասնի ռեկորդային բարձր մակարդակի։ Այս մասին ասվում է ՄԱԿ-ի Համաշխարհային օդերևութաբանական կազմակերպության (WMO) կայքում հրապարակված կանխատեսման մեջ։
Այս զարգացմանը նպաստում են ջերմոցային գազերը և Էլ Նինյո երևույթը՝ հասարակածային Խաղաղ օվկիանոսում ջրի մակերեսային շերտի ջերմաստիճանի տատանումները, ինչը զգալի ազդեցություն ունի կլիմայի վրա։
«66% հավանականություն կա, որ մոլորակի տարեկան միջին ջերմաստիճանը 2023-ից 2027 թվականներին առնվազն մեկ տարի կլինի ավելի քան 1,5°C-ով բարձր նախաարդյունաբերական մակարդակից: Կա 98 տոկոսանոց հավանականություն, որ առնվազն հաջորդ 5 տարիներից մեկը կլինի դիտարկումների ամբողջ պատմության ընթացքում ամենաշոգը»,- ասված է ՄԱԿ-ի փաստաթղթում։
Ըստ WMO-ի՝ 32% հավանականություն կա, որ հնգամյա միջինը կգերազանցի 1,5°C-ի շեմը։
