25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Անտառային հրդեհներ Կանադայում. իշխանություններն ամբողջական քաղաքներ են տարհանում
Քաղաքականություն
17.08.2023 | 22:12
Կանադայի իշխանությունները տարհանում են Հյուսիսարևմտյան տարածքներ նահանգի մայրաքաղաք Յելոունայֆ քաղաքի բնակչությանը՝ մոտեցող անտառային հրդեհների պատճառով։ Սպասվում է, որ հրդեհը քաղաք կհասնի հանգստյան օրերին, հաղորդում է BBC-ի ռուսական ծառայությունը։
Յելոունայֆի 20,000 բնակիչները պետք է լքեն քաղաքը տեղական ժամանակով ուրբաթ կեսօրին: Չորեքշաբթի ուշ երեկոյի դրությամբ՝ հրդեհը գտնվել է քաղաքից մոտ 17 կմ հեռավորության վրա։
Մեկ այլ հրդեհ սպառնում է Հայ-Ռիվեր բնակավայրին։
Երեքշաբթի երեկոյան արտակարգ դրություն է հայտարարվել Հյուսիսարևմտյան տարածքներում, որտեղ մոլեգնում են ավելի քան 200 անտառային հրդեհներ։
Չորեքշաբթի տեղի ունեցած ասուլիսում տարածաշրջանի շրջակա միջավայրի նախարար Շեյն Թոմփսոնն ասել է, որ իրավիճակը փոխվել է դեպի վատը, և հրդեհներն այժմ իրական վտանգ են ներկայացնում Յելոնայֆի համար:
