Քաղաքականություն
16.08.2023 | 12:02
Ադրբեջան ՊՆ են կանչվել երկրում հավատարմագրված ռազմական կցորդներն ու միջազգային կազմակերպությունների ներկայացուցիչները։ Ըստ պաշտոնական հաղորդագրության՝ «նրանց տեղեկացվել է Ադրբեջանի տարածքում ՀՀ ԶՈւ-ի բազմաթիվ խախտումների ու Լեռնային Ղարաբաղում հայկական կողմի ամրաշինական աշխատանքների մասին»։
Ադրբեջանական կողմը հերթական անգամ հայտարարել է, թե իբր «Լաչինի միջանցքն օգտագործվել է ապօրինի զինված խմբավորումների համար զենք տեղափոխելու համար»։ Բաքուն պնդում է, որ հավատարմագրված դիվանագիտական ներկայացուցչությունների ռազմական կցորդներին ներկայացվել են «Ղարաբաղի տնտեսական տարածաշրջանում անօրինական զինված կազմավորումների կողմից սադրանքների նախապատրաստվելու նպատակով մարտական դիրքերի ամրապնդման, ինչպես նաև խաղաղ բնակչության զանգվածային զինման փաստեր»։
Անդրադարձ է եղել նաև Ադղամ-Ստեփանակերտ ճանապարհին, որի գործարկումն, ըստ ադրբեջանական կողմի, «կնպաստի Արցախում ապրող հայերի համար անհրաժեշտ բեռների ժամանակին հասցնելուն»։
