02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՌԴ-ն Ուկրաինային հարվածել է այս տարվա արտադրության X-101 հրթիռներով. Անդրեյ Երմակ
Քաղաքականություն
15.08.2023 | 22:30
Այն հրթիռները, որոնցով ռուսներն այս գիշեր հարձակվել են Ուկրաինայի վրա, արտադրվել են այս տարի։ Նման հրթիռները պարունակում են 30 արտասահմանյան միկրոսխեմաներ։ Այս մասին Telegram-ում հայտնել է Ուկրաինայի նախագահի աշխատակազմի ղեկավար Անդրեյ Երմակը, փոխանցում է Korrespondent-ը։
«Այս գիշեր ռուսները կրակել են Ուկրաինայի ուղղությամբ, մասնավորապես, X-101 հրթիռներով, այս հրթիռները ռուսներն արտադրել են այս տարի, ապրիլին թողարկված X-101-ն ունի մոտ 30 արտասահմանյան միկրոսխեմա»,- գրել է նա։
Երմակը նշել է, որ իշխանությունները հավաքում են բոլոր անհրաժեշտ տեղեկությունները, աշխատում են գործընկերների հետ և պարբերաբար շփվում նրանց հետ: Միևնույն ժամանակ, Ուկրաինայի գործընկեր կառավարությունները նույնպես աշխատում են միկրոսխեմաններ արտադրողների և մատակարարների հետ։
Ուկրաինայի նախագահի աշխատակազմի ղեկավարը նշել է, որ արդեն որոշակի սահմանափակումներ են մտցվել, սակայն ընդգծել է, որ պատժամիջոցներն անհրաժեշտ է ուժեղացնել, որպեսզի Ռուսաստանը չկարողանա ստանալ կարևոր բաղադրիչներ և հրթիռներ արտադրել։
