18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Լրացավ «Սուրմալու»-ի ողբերգության մեկ տարին. շուրջ 200 անձ տուժող է ճանաչվել
Հասարակություն
14.08.2023 | 12:29
Այսօր լրանում է «Սուրմալու»-ում տեղի ունեցած ողբերգության մեկ տարին: Պայթյունը 16 մարդու կյանք խլեց, այդ թվում` մեկ երեխայի: Մեկ անձ մինչ օրս անհետ կորած է համարվում։
Factor.am-ը գրավոր հարցում էր ուղարկել Դատախազություն և ԱԱԾ` պարզելու, թե ինչ փուլում է պայթյունի դեպքի առթիվ նախաձեռնված քրեական վարույթը: ԱԱԾ-ից հայտնել են, որ վարույթով որպես տուժող է ճանաչվել շուրջ 150 անձ, հանրային քրեական հետապնդում է հարուցվել երեք անձի նկատմամբ, իսկ «Երևանի պահածոների գործարան» ՓԲԸ-ի տնօրեն Իրինա Մադաթովայի նկատմամբ որպես այլընտրանքային խափանման միջոց է կիրառվել բացակայելու արգելքը: Կառույցից հայտնել են, որ նախաքննությունը շարունակվում է:
Ըստ Գլխավոր Դատախազությունից ստացված պատասխանի` տուժող է ճանաչվել ոչ թե 150, այլ շուրջ 200 անձ:
Հավելենք նաև, որ պայթյունից ավելի քան կես տարի անց՝ մարտի 14-ին դադարեցվեց «Սուրմալու» առևտրի կենտրոնի գործունեությունը:
Նախքան պայթյունը կենտրոնում տեխնիկական և հրդեհային անվտանգության նորմատիվ փաստաթղթերի պահանջների շուրջ 5 տասնյակ խախատումներ էին հայտնաբերվել։ Իսկ օգոստոսի 14-ի ողբերգական պայթյունից հետո ստուգումների արդյունքում առևտրի կենտրոնում 66 խախտում էր հայտնաբերվել։
Արփի Հակոբյան
