26.08.2026 | 07:53
Սեդրակ Քոչարյանը կալանավորվել է
Հաքան Ֆիդանը ևս մեկ անգամ փաստել է Թուրքիայի մասնակցությունն Արցախյան պատերազմին
Քաղաքականություն
10.08.2023 | 14:49
Թուրքիայի նախագահ Ռեջեփ Թայիփ Էրդողանի նախագահությամբ նախօրեին տեղի է ունեցել Ազգային անվտանգության խորհրդի նիստը։ TRT Haber-ի հաղորդմամբ՝ նիստից առաջ Էրդողանը պարգևներ և նվերներ է հանձնել մի շարք զինվորականների, որոնք վերջին անգամ են մասնակցել նիստին, քանի որ թոշակի են անցնելու։
Թուրքիայի նախագահը պարգևատրել է նաև ԱԳ նախարար Հաքան Ֆիդանին՝ «Պետությանը մատուցած նշանակալի ծառայությունների համար» մեդալով, որը 13 տարի աշխատել է որպես խորհրդական, Ազգային հետախուզական ծառայության (MIT) ղեկավար, ինչպես նաև նախագահի հատուկ ներկայացուցիչ։
Շնորհակալական խոսքում Ֆիդանը ևս մեկ անգամ փաստել է, որ Թուրքիայի ԶՈՒ-ն անմիջական մասնակցություն է ունեցել Արցախյան 44-օրյա պատերազմին։
«Այս մեդալը ստանում եմ իմ ընկերների անունից, որոնք նահատակվել են Լիբիայում, Ղարաբաղում, Սիրիայում և Իրաքում ինձ հետ ծառայելիս՝ ձեր հրամանները կատարելիս»,- ասել է թուրք պաշտոնյան։
Էմմա Չոբանյան
