26.11.2024 | 17:45
Տաք քննարկում է եղել, մեկ հարված Հակոբ Ասլանյանի կողմից է եղել. Ռուբեն Մելիքյան․ ՏԵՍԱՆՅՈՒԹ
Թուրքիայի Դերինջե նավահանգստում պատահարի հետևանքով հացահատիկի պաշարի 20 տոկոսը վնասվել է
Քաղաքականություն
08.08.2023 | 16:56
Թուրքիայի Դերինջե նավահանգստում նախօրեին տեղի ունեցած պայթյունի հետևանքով վնասվել է առկա հացահատիկի պաշարների 20 տոկոսը, գրում է TRT Haber-ը։
Մամուլում տեղեկություններ էին տարածվել, որ ոչնչացվել է 8 մլն տոննա հացահատիկի։
«Սիլոսի հզորությունը 95,000 տոննա է։ Սիլոսում, որտեղ տեղի է ունեցել պայթյունը, եղել է 75,000 տոննա պաշար։ Ըստ նախնական ուսումնասիրությունների՝ վնասվել է այդ պաշարի մոտավորապես 20 տոկոսը: Հետևաբար, այն պնդումը, թե «ոչնչացվել է 8 մլն տոննա պաշար», չի համապատասխանում իրականությանը»,- ասվում է Թուրքիայի նախագահականի ապատեղեատվության դեմ պայքարի վարչության հաղորդագրության մեջ։
Հավելենք, որ նախօրեին տեղի ունեցած պայթյունի հետևանքով 12 մարդ է տուժել, որից երեքի վիճակը գնահատվում է ծանր։
Էմմա Չոբանյան
