13.06.2026 | 16:20
Որոշ շրջաններում սպասվում են հորդառատ անձրևներ. առաջիկա օրերի եղանակի կանխատեսումը
Ֆրանսիան Ադրբեջանին զենք, զինամթերք չի մատակարարի, որոնք կարող են օգտագործվել Արցախի դեմ․ դեսպան
12.07.2018 | 13:18
Հայաստանում Ֆրանիսայի արտակարգ և լիազոր դեսպան Ժոնաթան Լաքոն վերահաստատում է Ֆրանսիայի ստանձնած պարտավորությունները՝ չմատակարարել զենք, զինամթերք, որը կարող է օգտագործվել Արցախի դեմ:
Այս մասին այսօր հրավիրված մամուլի ասուլիսի ժամանակ ասաց դեսպանը՝ հերքելով ադրբեջանական մամուլում տարածված այն լուրերն, ըստ որի, Ֆրանսիան հանել է Ադրբեջանի նկատմամբ կիրառվող սահմանափակումները։
«Երբ իմացանք ադրբեջանական մամուլում տարածված կեղծ շշուկների մասին, որ Ֆրանսիան հանել է Ադրբեջանին զենք վաճառելու մասին սահմանափակումները, անմիջապես հերքում տարածեցինք: Դա մեկ անգամ ևս հնարավորություն տվեց հաստատելու մեր դիրքորոշումը: Ֆրանսիան հարգում է միջազգային դրույթներից բխող իր ստանձնած պարտավորությունները՝ զերծ մնալ և չմատակարարել ոչ զենք, ոչ զինամթերք, որոնք կարող են օգտագործվել պատերազմ սկսելուն՝ այս պարագայում Արցախում»,-ասաց Լաքոտը:
Դեսպանը նշեց, որ գիտակցում է, թե որքան ծանր է հայաստանյան հասարակության և այն ընտանիքների համար, որոնց զավակները զորակոչվել և ծառայում են բանակում:
Խոսելով բանակցային գործընթացի մասին՝ դեսպանն ասաց, որ Ֆրանսիան այս ձևաչափով հանդիպումների ժամանակ ևս պաշտպանում է դիրքորոշումը ` հակամարտությունը չի կարող լուծվել ուժի կիրառմամբ:
