14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Էրդողանը կրկին խոսել է Պուտինի՝ օգոստոսին Թուրքիա այցի մասին
Քաղաքականություն
04.08.2023 | 23:17
Թուրքիայի նախագահ Ռեջեփ Թայիփ Էրդողանն ուրբաթօրյա աղոթքից հետո լրագրողների հետ զրույցում կրկին խոսել է ՌԴ նախագահ Վլադիմիր Պուտինի կատարելիք այցի մասին, գրում է TRT Haber-ը։
«Ժամկետը դեռ պարզ չէ։ Բայց մեր արտգործնախարարը, հետախուզության ղեկավարը՝ բոլորը բանակցում են։ Կարծում եմ, որ այս այցը տեղի կունենա օգոստոսին»,- ասել է Էրդողանը։
Հիշեցնենք, որ օրերս տեղի է ունեցել Պուտինի և Էրդողանի հեռախոսազրույցը։ Թուրքական կողմը զրույցի վերաբերյալ տարածած հաղորդագրության մեջ նշել է, որ պայմանավորվել են Պուտինի Թուրքիա այցի շուրջ։
Ավելի վաղ Էրդողանը մի քանի անգամ հայտարարել էր, որ օգոստոսին սպասվում է Վլադիմիր Պուտինի այցը Թուրքիա։ Սակայն ռուսական կողմն այս մասին չի շտապում հայտարարել։ Հեռախոսազրույցի ռուսական կողմի հաղորդագրության մեջ էլ ասվում է, որ երկու ղեկավարները պայմանավորվել են «շարունակել շփումները տարբեր մակարդակներում, այդ թվում՝ հնարավոր հանդիպման նախապատրաստման համատեքստում»։
Էմմա Չոբանյան
