24.02.2026 | 16:43
ՀԷՑ-ում ավարտվել են բարձրավոլտ ենթակայանների ստուգայցերը․ արձանագրվել են համակարգային խնդիրներ
Մոսկվան տեսնում է Ադրբեջանի հետ դաշնակցային հարաբերությունների գործնական արդյունքը․ ՌԴ ԱԳՆ
Քաղաքականություն
04.08.2023 | 21:48
ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը ՏԱՍՍ-ին տված հարցազրույցում անդրադարձել է Ադրբեջանի հետ հարաբերությունների զարգացմանն ու դաշնակցային համագործակցությանը։
«Նշում ենք առանցքային ոլորտներում Ադրբեջանի հետ երկկողմ կապերի առաջանցիկ զարգացումը։ Անցյալ տարի Ռուսաստանի և Ադրբեջանի նախագահների կողմից դաշնակցային համագործակցության մասին հռչակագրի ստորագրմամբ մեր երկրների հարաբերությունները նոր մակարդակի հասան։ Արդեն հիմա տեսնում ենք գործնական արդյունքը։ Ակտիվացել են քաղաքական շփումները, այս տարի Ռուսաստան են այցելել Ադրբեջանի նախագահն ու վարչապետը, երեք անգամ էլ՝ Մեջլիսի խոսնակը»,- ասել է Գոնչարը։
Նա նշել է, որ «խնդրահարույց հարցերը նույնպես քննարկում են ադրբեջանցի գործընկերների հետ փոխադարձ հարգանքով և կառուցողական ձևով»։
«Դրանց հրապարակայնացումը միշտ չէ, որ օգտակար է։ Հենց տեղեկատվական դաշում ենք մենք տեսնում համագործակցության խորացման պաշարներ, որ Ադրբեջանում լուսաբանվող ՌԴ-ին առնչվող թեմաները, ինչպես նաև հակառակը, կրեն ավելի օբյեկտիվ ու բալանսավորված բնույթ։ Հարաբերությունների նոր դաշնակցային մակարդակը թույլ է տալիս նաև Բաքվի հետ չափազանց անկեղծ լինել զգայուն ընդհանուր տարածաշրջանային հարցերի մասին, թե ինչպես ենք մենք տեսնում Երևանի հետ հարաբերությունների կարգավորման գործընթացը, Արևմուտքի և Թուրքիայի դերը Հարավային Կովկասում և այլն»,- ասել է ՌԴ դիվանագետը։
Էմմա Չոբանյան
