24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ֆրանսիան հսկողություն կսահմանի անկարգությունների ամենաակտիվ մասնակիցների նկատմամբ․ ՆԳ նախարար
Քաղաքականություն
03.08.2023 | 23:02
Ֆրանսիայի ներքին գործերի նախարար Ժերալդ Դարմանինը կոչ է արել արտակարգ միջոցներ ձեռնարկել երկրում անկարգությունները կրկնելու դեպքում, հայտնում է Europe 1-ը։
Տեղական լրատվականների տվյալներով՝ նա հանձնարարել է հսկողություն սահմանել հունիսի և հուլիսի ջարդերի ամենաակտիվ մասնակիցների նկատմամբ։
Ֆրանսիացի լրագրողների ձեռքի տակ հայտնված փաստաթղթում ասվում է, որ Դարմանինը կոչ է անում իր ենթականերին «մոբիլիզացնել բոլոր անհրաժեշտ միջոցները՝ անկարգությունների ժամանակ բռնի գործողությունների համար պատասխանատու անձանց և խմբերի հայտնաբերելու համար», որպեսզի երաշխավորեն անվտանգությունը ռեգբիի աշխարհի գավաթի և Փարիզում 2024 թվականի ամառային օլիմպիական խաղերի ժամանակ։
Ֆրանսիայում զանգվածային բողոքի ցույցերը, որոնք հանգեցրել են ջարդերի, սկսվել են հունիսի 27-ին։ Պատճառը ոստիկանության կողմից Նանտերի բնակչի՝ 17-ամյա Նահելի սպանությունն էր։ Ձերբակալվել է 4 հազար մարդ, 400-ից ավելի անկարգությունների մասնակիցներ են կալանավորվել։ Ձերբակալվածների թվում շատ անչափահասներ են եղել։
Հուլիսի 5-ին Ֆրանսիայի ներքին գործերի նախարար Ժերալդ Դարմանինը հայտարարել է, որ անկարգությունները դադարեցվել են ողջ երկրում։
