Քաղաքականություն
03.08.2023 | 21:25
Ադրբեջանի պաշտպանության նախարարի տեղակալ, ԳՇ պետ Քերիմ Վելիևն ու նախարարության ղեկավար կազմի այլ ներկայացուցիչներ այցելել են ՆԱՏՕ-ի օպերատիվ կարողությունների հայեցակարգի (KOB) շրջանակում ստեղծված ստորաբաժանումներ և հետաքրքրվել անձնակազմի պատրաստվածության մակարդակի բարձրացման ուղղությամբ ձեռնարկվող միջոցառումներով։
Ադրբեջանի պաշտպանական գերատեսչության հաղորդմամբ՝ լսվել են հրամանատարների զեկույցները KOB ծրագրի շրջանակում այս տարվա երկրորդ մակարդակի վերագնահատման վարժանքների նախապատրաստման ընթացքի մասին։ ՊՆ ղեկավարությունը ծանոթացել է զորամասերից մեկում կոմանդոսների պատրաստության ընթացքին։
Այնուհետև ՊՆ ղեկավար կազմը զորավարժարանում հետևել է կուրսանտների մասնակցությամբ լեռնային պատրաստության դասընթացին։
Էմմա Չոբանյան
