22.11.2024 | 20:00
Վեթինգ՝ ըստ ճաշակի․ ԲԴԽ-ում «թունավոր» պաշտոնավարման հետքերով
Արդյոք Երասխում կառուցվող մետաղաձուլական գործարանի վայրը կփոխվի․ տնօրենի մեկնաբանությունը
03.08.2023 | 16:04
Sputnik Արմենիան գրել էր, որ Երասխում կառուցվող մետաղաձուլական գործարանն առաջիկայում նախատեսվում է տեղափոխել այլ` ավելի անվտանգ վայր և ամենահավանական տարբերակն Արարատ քաղաքին հարող հատվածն է։
«Ջի Թի Բի Սթիլ» ընկերության տնօրեն Տիրան Հակոբյանը Factor.am-ի հետ զրույցում չհերքեց լուրը, ասաց՝ քննարկում են․ «Չունեմ մեկնաբանություն, երբ հաստատվի՝ հայտարարություն կանենք, քննարկում ենք բոլոր հնարավոր սցենարները»,- ասաց Հակոբյանը։
Հիշեցնենք, որ ադրբեջանական «Թուրան» գործակալությունը հուլիսի 20-ին գրել էր, որ Բաքուն պաշտոնապես դիմել է Հայաստանին՝ Երասխում կառուցվող մետաղաձուլական գործարանի շինարարությունը դադարեցնելու պահանջով՝ մինչև հստակեցվի դրա շահագործման հնարավոր ազդեցությունը շրջակա միջավայրի վրա։ «Ջի Թի Բի Սթիլ» ընկերության տնօրինությունն էլ բազմիցս հայտարարել էր, որ կառուցվող գործարանը շրջակա միջավայրի համար որևէ վտանգ չի ներկայացնում:
Մետաղաձուլական գործարանը պարբերաբար հայտնվում էր Ադրբեջանական ԶՈՒ-ի թիրախում և աշխատակիցները ստիպված էին լինում դադարեցնել շինաշխատանքները։ Տիրան Հակոբյանն ավելի վաղ նշել էր, որ Ադրբեջանի նպատակը իրենց վախեցնելն ու տեխնիկան շարքից հանելն է, որովհետև գործարանի կառուցումից հետո տարեկան 200-250 հազար տոննա ամրան է արտադրվելու, իսկ հակառակորդը չի ուզում, որ ՀՀ-ն տնտեսապես հզորանա։ Ի հեճուկս այս ամենի՝ Հակոբյանը հայտարարում էր, որ որոշումը չեն փոխելու և գործարանը կառուցվելու է հենց Երասխում։
Արփի Հակոբյան
