08.10.2026 | 17:26
Sportico. Աշխարհի ամենաբարձր վարձատրությամբ ֆուտբոլիստները
Մենք ծխողի համար ուզում ենք ստեղծել դիսկոմֆորտ. Նիկոլ Փաշինյան․ ՏԵՍԱՆՅՈՒԹ
Հասարակություն
03.08.2023 | 12:43
Ի հեճուկս մեր կայացրած որոշման, տեսնում ենք, որ սրճարաններում, այդ թվում բացօթյա, ծխելու երևույթը շարունակվում է: Այս մասին այսօր Կառավարության նիստում հայտարարեց վարչապետ Նիկոլ Փաշինյանը՝ դիմելով ՀՀ ներքին գործերի նախարար Վահե Ղազարանին՝ պարզաբանումներ ներկայացնել։
Նախարարը հաստատեց՝ իրավիճակը մտահոգիչ է. «2023 թվականի հունվարի 1-ից մինչև այսօր ընդհանուր կազմվել է 7 հազար 186 վարչական արձանագրություն, այս շաբաթվա ընթացքում կազմվել է 31 արձանագրություն»։
Ղազարյանի խոսքով՝ 352 պաշտոնատար անձի նկատմամբ նույնպես վարչական արձանագրություն է կազմվել, այս շաբաթվա մեջ՝ 15։ «Պարոն վարչապետ, ամեն ինչ կանենք, որ ունենանք դրական արդյունքներ»,- ասաց նախարարը։
«Մեր նպատակը տուգանքներ գրելը չէ, նպատակն այն է, որ մարդիկ չծխեն։ Պատասխանատվությունը պետք է դնենք նաև սեփականատերերի ու աշխատողների վրա, որ նրանք թույլ չտան ծխել։ Ոուզում ենք ծխողի համար դիսկոմֆորտ ստեղծել, որ ծխելու համար պայմանը հարմարավետ չլինի։ Ուզում ենք բոլոր հնարավոր ձևերով արգելակենք մարդու ծխելու հնարավորությունը»։
«Ես էլ եմ ծխող, չեմ հիշում, որ ես դժգոհ մնամ, որ այդ օրը քիչ ծխեցի, ընդհակառակը, մարդիկ դժգոհ են մնում, որ սովորականից շատ են ծխել»,- հավելեց վարչապետը։
Մանրամասները՝ տսանյութում։
