24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ինդոնեզիան Թուրքիայից 300 մլն դոլար արժողությամբ անօդաչուներ է գնել
Քաղաքականություն
02.08.2023 | 23:30
Ինդոնեզիան 300 միլիոն դոլար արժողությամբ 12 նոր անօդաչու թռչող սարք է գնել Turkish Aerospace-ից: Այս մասին գրում է Turkish Minute-ը՝ վկայակոչելով Reuters-ին։
Նշվում է, որ գործարքը կայացել է այն բանից հետո, երբ հուլիսին Ինդոնեզիայի նախագահ Ջոկո Վիդոդոն նախազգուշացրել է իր կաբինետին՝ պահպանել «առողջ» բյուջե՝ ընդգծելով երկրի անվտանգության մարմինների, այդ թվում՝ Պաշտպանության նախարարության չափազանց մեծ ծախսերը:
Հունվարին պաշտպանության նախարար Պրաբովո Սուբիանտոն կնքել էր 800 միլիոն դոլար արժողությամբ 12 «Միրաժ 2000-5» կործանիչ գնելու պայմանագիր, ինչը քննադատության էր արժանացել, քանի որ դրանք չափազանց հին էին համարվում: Փետրվարին Ինդոնեզիան գնել է նաև 42 միավոր Rafale կործանիչ՝ 8,1 միլիարդ դոլարով, որոնք փուլ առ փուլ կտրամադրվեն մի քանի տարվա ընթացքում:
Ըստ կառավարության տվյալների՝ 134,3 տրիլիոն ռուփին (8,89 միլիարդ դոլար) այս տարի ամենամեծ հատկացումն է երկրի բյուջեից Պաշտպանության նախարարությանը։
Հաղորդվում է, որ Անկարայում գտնվող Turkish Aerospace ընկերության հետ գործարքը վերջնական տեսքի է բերվել փետրվարին, ակնկալվում է, որ անօդաչու սարքերը կմատակարարվեն ստորագրումից հետո 32 ամսվա ընթացքում: Ըստ Պաշտպանության նախարարության՝ այն նաև ներառում է ուսումնական ու թռիչքային սիմուլյատորներ։
Էմմա Չոբանյան
