06.06.2026 | 14:11
Հայ շախմատիստների վերջնական արդյունքները կանանց ԵԱ-ում
ՌԴ դեսպանի խորհրդականն ասաց՝ խաղաղապահները չեն կարողանում, ասացինք՝ ուղղակի չեք ուզում․ Հայրիյան. ՏԵՍԱՆՅՈՒԹ
02.08.2023 | 14:16
44-օրյա պատերազմի հետևանքով տեղահանված արցախցիներն այսօր բողոքի ցույց արեցին Հայաստանում Ռուսաստանի դեսպանատան մոտ։ Արցախցիների ներկայացուցիչներին ընդունեցին դեսպանատանը։ Հանդիպումից հետո «Հանուն Հադրութի» ՀԿ նախագահ Լևոն Հայրյանը լրագրողներին ասաց, որ իրենց ընդունել է դեսպանի գլխավոր խորհրդականը։
Հանդիպման մասնակիցները նաև բարձրացրել են հարցը, թե ինչու ռուս խաղաղապահները Արցախ չեն հասցնում բեռը։
«Ասացինք՝ եթե Ռուսաստանը չի կարողանում ապահովել անվտանգությունը, թող հայտարարի այդ մասին, արցախցիները կդիմեն ԱՄՆ-ին ու Ֆրանսիային և աջակցություն կխնդրեն։
Դեսպանի խորհրդականն ասաց՝ Ադրբեջանը խանգարում է, խաղաղապահները չեն կարողանում։
Ասացինք՝ ուղղակի չեք ուզում։
ՌԴ դեսպանի գլխավոր խորհրդականն ասաց, որ հուլիսի 25-ին հայտարարել ենք, որ Ադրբեջանը պետք է բացի Բերձորի միջանցքը։
Հարցրեցի՝ որևէ անգամ Ադրբեջանին մեղադրե՞լ եք, ձեր լեքսիկոնում՝ նախագահից մինչև շարքային աշխատող, բառ չենք տեսել, որ Ադրբեջանին մեղադրեք»,- նշեց Հայրյանը։
Մանրամասները՝ տեսանյութում։
