20.09.2026 | 20:35
«Հայանտառ»-ի տարածքում մեծ քանակի հատված փայտանյութ է հայտնաբերվել
Բաքվից հաստատել են՝ Ադրբեջանը հրաժարվել է Արցախի հետ Բրատիսլավայում բանակցությունների մասնակցել
Քաղաքականություն
31.07.2023 | 17:56
Բաքվի աղբյուրները հաստատել են, որ Ադրբեջանն է հրաժարվել օգոստոսի 1-ին Բրատիսլավայում նախատեսված Ստեփանակերտի հետ բանակցություններից։ Մասնավորապես, ադրբեջանական Թուրան գործակալությունը, վկայակոչելով իր իրազեկ աղբյուրներին, հայտնում է, որ Ադրբեջանի իշխանությունները հրաժարվել են հանդիպումից։
Նշվում է, որ Ադրբեջանը նախկինում երկու անգամ Արցախի ներկայացուցիչներին հրավիրել է Բաքու՝ «վերաինտեգրման շուրջ երկխոսության», սակայն Ստեփանակերտը մերժել է։ Դրանից հետո Ալիևը հայտարարել էր, որ այլևս բանակցությունների հրավեր չի լինելու։
Հիշեցնենք, որ Արցախի նախագահին կից հակաճգնաժամային խորհրդի ղեկավար Տիգրան Պետրոսյանն այսօր հայտարարել է, որ Բաքուն հրաժարվել է մասնակցել Բրատիսլավայում նախատեսված հանդիպմանը։
«Ամերիկայի Միացյալ Նահանգների և Եվրոպական միության միջնորդությամբ ֆորմատը փոխվեց, և վաղը Բրատիսլավայում պետք է տեղի ունենար հանդիպում Արցախի և Ադրբեջանի ներկայացուցիչների միջև, սակայն երեկ չէ առաջին օրն Ադրբեջանը հրաժարվել է այդ հանդիպումից՝ առանց պատճառաբանության»,- ասել էր Պետրոսյանը։
Էմմա Չոբանյան
