16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Ադրբեջանը և Ուզբեկստանը համատեղ զորավարժություններ են անցկացնում
Քաղաքականություն
31.07.2023 | 13:43
Տաշքենդի շրջանի «Չիրչիկ» զորավարժարանում տեղի է ունեցել UZAZ-2023 մարտավարական հրամանատարաշտաբային զորավարժությունների բացման հանդիսավոր արարողությունը, որն անցկացվում է Ադրբեջանի և Ուզբեկստանի Պաշտպանության նախարարությունների միջև 2023 թվականի երկկողմ համագործակցության համաձայնագրի համաձայն, գրում են ադրբեջանական լրատվամիջոցները։
Ադրբեջանի ՊՆ-ի հաղորդմամբ՝ միջոցառման ընթացքում ելույթ ունեցողները խոսել են Ադրբեջանի և Ուզբեկստանի միջև ռազմական և ռազմակրթական ոլորտներում համագործակցության բարձր մակարդակի մասին, հաջողություն մաղթել զորավարժությունների մասնակիցներին։ Ընդգծվել է, որ առաջին անգամ կազմակերպվող համակարգչային աջակցությամբ համատեղ զորավարժությունները կծառայեն երկու երկրների բանակների միջև երկկողմ համագործակցության ամրապնդմանը։
Նշվել է նաև, որ UZAZ-2023 զորավարժությունները մեծ ներդրում կունենան երկու երկրների զինվորականների փորձի փոխանակման գործում՝ բարձրացնելով նրանց պրոֆեսիոնալիզմը և պատրաստվածության մակարդակը։
Ավելի վաղ հայտարարվել էր, որ համատեղ զորավարժություններում զինծառայողները հատուկ մարտական գործողությունների կազմակերպման և իրականացման դրվագներ են մշակելու։
Էմմա Չոբանյան
