16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Իսրայելում ՀՀ նախկին դեսպան Արմեն Սմբատյանը կալանավորվեց
Հասարակություն
30.07.2023 | 11:53
Իսրայելում ՀՀ նախկին դեսպան Արմեն Սմբատյանը կալանավորվեց 2 ամսով։ Տեղեկությունը Factor.am-ին հայտնեց ՀՀ գլխավոր դատախազի խորհրդական Լուսինե Մարտիրոսյանը։
Ավելի վաղը տեղեկացրել էինք, որ երկամսյա կալանք է սահմանվել նաև նրա որդու՝ դիրիժոր Սերգեյ Սմբատյանի համար։
Հիշեցնենք՝ երեկ Գլխավոր դատախազությունը հաղորդագրություն տարածեց, ըստ որի՝ պարզվել է՝ Սմբատյանները և գործարար Արման Պետրոսյանը 2012 թվականին Կառավարությանը ներկայացրել են 800 մլն դրամ արժողության «Գրքի աշխարհ» բազմաֆունկցիոնալ համալիր կառուցելու կեղծ ներդրումային ծրագիր և խարդախությամբ հափշտակել Չայկովսկու անվան միջնակարգ երաժշտական դպրոցին անհատույց օգտագործման իրավունքով տրամադրված, Կողբացի 36 հասցեում գտնվող հողամասից առանձնացված 300 քմ հողամասը:
Մշակույթի այդ ժամանակվա նախարար Հասմիկ Պողոսյանը՝ իր ծառայողական լիազորություններն ի վնաս պետական շահերի օգտագործելով, «Սոխոսենթր» ընկերության հետ կնքել է պայմանագրեր՝ դրանցում դիտավորությամբ չներառելով ներդրումային պարտավորությունը: Պողոսյանը հնարավորություն է տվել առանց նշված պարտավորության կատարման՝ 2016 թվականին գրանցել ընկերության սեփականության իրավունքը 300 քմ հողամասի նկատմամբ՝ պետությանը պատճառելով ավելի քան 966 մլն դրամի գույքային վնաս:
Արմեն Սմբատյանին մեղադրանք է ներկայացվել առանձնապես խոշոր չափի խարդախություն կազմակերպելու, Սերգեյ Սմբատյանին և Արման Պետրոսյանին՝ առանձնապես խոշոր չափի խարդախություն կատարելու համար:
