16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Պուտինը ռուբլու թվայնացման մասին օրենք է ստորագրել
Քաղաքականություն
24.07.2023 | 22:43
Ռուսաստանի նախագահ Վլադիմիր Պուտինն օրենք է ստորագրել թվային ռուբլու ներդրման և համապատասխան էլեկտրոնային հարթակի ստեղծման մասին։ Այժմ ռուսական ռուբլին կներկայացվի երեք տեսքով՝ կանխիկ, անկանխիկ և թվային։ Օրենքը, բացառությամբ մի շարք դրույթների, ուժի մեջ կմտնի 2023 թվականի օգոստոսի 1-ից, գրում է Կոմերսանտը։
Թվային ռուբլով հնարավոր կլինի գործողություններ իրականացնել հատուկ տեղեկատվական համակարգի միջոցով։ ՌԴ նախագահի կողմից ստորագրված օրենքի համաձայն՝ համակարգի օպերատորը դառնում է Ռուսաստանի Բանկը։
Կարգավորողը կսահմանի նաև թվային ռուբլով գործարքների սակագները և ժամկետները, որոնց համար ռուսական բանկերը պետք է հաճախորդներին հնարավորություն տան օգտվել այս արժույթով գործարքներից։ Քաղաքացիների համար թվային ռուբլով գործարքները կլինեն անվճար, բիզնեսի համար՝ վճարման գումարի 0,3%-ը։
