16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Զելենսկին աշխատանքից ազատել է Մեծ Բրիտանիայում Ուկրաինայի դեսպանին
Քաղաքականություն
21.07.2023 | 15:24
Ուկրաինայի նախագահ Վլադիմիր Զելենսկին Վադիմ Պրիստայկոյին ազատել է Մեծ Բրիտանիայում Ուկրաինայի դեսպանի պաշտոնից։ Համապատասխան փաստաթուղթն այսօր տեղադրվել է պետության ղեկավարի պաշտոնական կայքէջում, փոխանցում է Korrespondent-ը։
Փաստաթղթի տեքստի համաձայն՝ Պրիստայկոն ազատվել է նաև Մեծ Բրիտանիայի և Հյուսիսային Իռլանդիայի Միացյալ Թագավորությունում Ուկրաինայի արտակարգ և լիազոր դեսպանի և Միջազգային ծովային կազմակերպությունում (IMO) մշտական ներկայացուցչի պաշտոնից։
Բանն այն է, որ վերջերս Վադիմ Պրիստայկոն ստիպված է եղել բացատրել իր արտահայտությունը Sky News-ում նախագահ Զելենսկու «անառողջ սարկազմի» մասին՝ ի պատասխան Մեծ Բրիտանիայի պաշտպանության նախարար Բեն Ուոլեսի խոսքերին։
Վիլնյուսում ՆԱՏՕ-ի գագաթնաժողովի շրջանակում Ուոլեսը կոչ էր արել Ուկրաինային ավելի շատ երախտագիտություն հայտնել գործընկերներին իրենց ռազմական աջակցության համար՝ անընդհատ նոր տեսակի զենքերի պահանջներ դնելու փոխարեն:
Ի պատասխան այս խոսքերի՝ Զելենսկին ասել էր, որ Ուկրաինան շատ երախտապարտ է Բրիտանիային և նրա ժողովրդին աջակցության համար։ Բայց նաև ավելացրել էր՝ «առավոտյան կարող ենք արթնանալ և անձամբ շնորհակալություն հայտնել նախարարին»։ Պրիստայկոն, մեկնաբանելով այս քննարկումը, հայտարարություններն անվանել էր «անառողջ սարկազմ»։
Այս հայտարարությունը բրիտանական լրատվամիջոցները ընդունել էին որպես նախագահ Զելենսկու հասցեին հնչեցված քննադատություն։
