25.07.2026 | 10:33
Արտարժույթների փոխարժեքները՝ հուլիսի 25-ի դրությամբ
ԱՄՆ-ն ուժեղացնում է իր ներկայությունը Պարսից ծոցում՝ Իրանին զսպելու համար
Քաղաքականություն
21.07.2023 | 15:51
Միացյալ Նահանգները լրացուցիչ ռազմանավեր և հազարավոր ծովային հետևակայիններ կուղարկի Մերձավոր Արևելք՝ Իրանի կողմից առևտրային նավերը գրավելու փորձերի հետ կապված անվտանգությունն ուժեղացնելու համար, գրում է VOA-ն:
Պաշտպանության նախարար Լլոյդ Օսթինը հավանություն է տվել «Բատաան» երկկենցաղ դեսանտային խմբերի ուժերի և 26-րդ ծովային արշավախմբերի տեղակայմանը Պարսից ծոցի շրջանում, հայտնել են Պենտագոնից:
Դեսանտային խումբը կազմված է երեք նավերից, այդ թվում ունիվերսալ «Բատաան» դեսանտային նավից։ Էքսպեդիցիոն ստորաբաժանումը սովորաբար բաղկացած է մոտավորապես 2500 ծովային հետևակից:
ԱՄՆ կենտրոնական հրամանատարության հայտարարության մեջ ասվում է, որ տեղակայումը «տարածաշրջանում ավելի մեծ ճկունություն և ռազմածովային հնարավորություններ կապահովի»: Հայտարարության մեջ չի նշվում կոնկրետ նավերի անուններ, սակայն Պենտագոնի պաշտոնյաները անանունության պայմանով ներկայացրել են տեղակայման մանրամասները:
«Բատաանից» բացի՝ խմբում ընդգրկված է ևս երկու նավ՝ Mesa Verde-ն և Carter Hall-ը: Այս ամսվա սկզբին խումբը լքել է Վիրջինիա նահանգի Նորֆոլքը:
