15.09.2026 | 23:30
Օգոստոսին Հայաստան է այցելել 227,026 զբոսաշրջիկ
Օդեսայի մարզը մնում է ռուսական հարվածների թիրախում
Քաղաքականություն
21.07.2023 | 12:53
Ռուսական զինուժը տեղական ժամանակով 04։00-ին երկու հրթիռով հարվածել է Օդեսայի շրջանի հարավին։ BBC-ի ռուսական ծառայության փոխանցմամբ՝ տեղական Telegram ալիքները գրում են երկու պայթյունի մասին։ Թե կոնկրետ որ հատվածում է հասցվել հարվածը, դեռևս չի հաղորդվում։
Օդեսայի մարզի հարավում օդային ռմբակոծության տագնապն արդեն հանվել է, փոխարենը տագնապ է հայտարարվել արևելյան և կենտրոնական շրջաններում։ Ուկրաինայի ռազմաօդային ուժերը հայտնում են հրթիռային հարվածի սպառնալիքի մասին։
Հիշեցնենք, որ ՌԴ զինուժը արդեն չորրորդ գիշերն անընդմեջ հրթիռային հարվածներ է հասցնում Օդեսա նավահանգստային քաղաքին։ Ղրիմի կամրջի վրա պայթյուններից հետո ՌԴ ՊՆ-ն հայտարարեց, որ «պատժիչ հարվածներ» է հասցրել Նիկոլաևի և Օդեսայի օբյեկտներին, որտեղ, իբր, ահաբեկչություններ են նախապատրաստվել Ռուսաստանի դեմ։
