14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ԱՄՆ-ը պատրաստ է ռազմական ուժ կիրառել Հյուսիսային Կորեային ճնշելու համար. Նիքի Հեյլի
Քաղաքականություն
06.07.2017 | 10:47
Վաշինգտոնը պատրաստ է գործի դնել բոլոր հնարավոր միջոցները, այդ թվում՝ նաև ռազմական ուժը, Հյուսիսային Կորեայի վարքը փոխելու համար, հայտնել է ՄԱԿ-ում ԱՄՆ մշտական ներկայացուցիչ Նիքի Հեյլին. փոխանցում է ria.ru-ն:
«Միացյալ Նահանգները պատրաստ է գործի դնել իրեն ու իր դաշնակիցներին պաշտպանելու համար հնարավորությունների բոլոր տարբերակները: Մեր հնարավորություններից մեկը զինված ուժերն են: Հարկ եղած դեպքում մենք դրանք ևս գործի կդնենք, բայց կնախընտրեինք այլ ուղղությամբ շարժվել»,-ՄԱԿ-ի Անվտանգության խորհրդում հայտարարել է Հեյլին:
Հիշեցնենք, որ Հյուսիսային Կորեայի կենտրոնական հեռուստատեսությունը հուլիսի 4-ին հայտարարել էր «Հվասոն-14» միջմայրցամաքային բալիստիկ հրթիռի առաջին հաջող փորձարկման մասին, որը, փորձագետների կարծիքով, կարող է թույլ տալ հարվածել ԱՄՆ Ալյասկա նահանգին: ԱՄՆ նախագահ Դոնալդ Թրամփը թվիթերյան իր էջում գրառում էր կատարել դեպքի առնչությամբ ու Չինաստանին առաջարկել էր կոշտ քայլի դիմել:
