10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Հյուսիսային Կորեան նոր հրթիռ է արձակել. Թրամփը Չինաստանին առաջարկել է կոշտ քայլի դիմել
Քաղաքականություն
04.07.2017 | 10:37
Երեկ Հյուսիսային Կորեայի կողմից արձակված բալիստիկ հրթիռն անցել է ավելի քան 930 կմ ու ընկել Ճապոնական ծովը. տեղեկացնում է gazeta.ru-ն:
Հարավային Կորեայի բանակի ներկայացուցչի խոսքով՝ հրթիռն անցել է մի քանի հարյուր կիլոմետր, ինչը նշանակում է, որ արձակումը բարեհաջող է անցել: Նա հավելել է, որ Սեուլն ու Վաշինգտոնը վերլուծում են հրթիռի արձակումը:
«Մեր բանակը լիակատար պատրաստության է բերված՝ Հյուսիսային Կորեայի նոր սադրանքին դիմակայելու համար»,- ասել է նա:
ԱՄՆ նախագահ Դոնալդ Թրամփը թվիթերյան իր էջում գրառում է կատարել դեպքի առնչությամբ: «Հյուսիսային Կորեան հենց նոր արձակել է ևս մեկ հրթիռ: Այդ տղան (Կիմ Չեն Ընը) իր կյանքում կարո՞ղ է ինչ-որ ավելի լավ բան անել: Դժվար է հավատալ, որ Հարավային Կորեան ու Ճապոնիան կշարունակեն այս ամենը հանդուրժել: Գուցե Չինաստա՞նը կոշտ քայլի դիմի Հյուսիսային Կորեայի դեմ ու մեկընդմիշտ վերջ տա այս հիմարությանը»,- գրել է Թրամփը:
