16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Հայ-թուրքական սահմանի Մարգարայի անցակետում ակտիվ աշխատանքներ են ընթանում. Բադասյան․ ՏԵՍԱՆՅՈՒԹ
Տնտեսություն
20.07.2023 | 12:52
«ՀՀ կառավարության նիստերում մի շարք որոշումներ են ընդունվել Մարգարայի անցակետի կառուցման համար ֆինանսական միջոցներ հատկացնելու մասին։ Կառավարության նիստից հետո ճեպազրույցի ժամանակ այս մասին նշեց ՀՀ ՊԵԿ նախագահ Ռուստամ Բադասյանը։
«Տարբեր փուլերի համար տարբեր գումարներ են հատկացվում․ այժմ Մարգարայի անցակետում ակտիվ աշխատանքներ են ընթանում» ,- նշեց ՊԵԿ նախագահը։ Բադասյանը կոնկրետ ժամկետ չնշեց, սակայն վստահեցրեց, որ շուտով կավարտվեն աշխատանքները։
Անդրադառնալով հարցին, թե երբ կբացվի հայ-թուրքական սահմանը, Բադասյանը պատասխանեց, որ ինքն իրավասու չէ այդ հարցին պատասխանել և ընդգծեց, որ ՊԵԿ–ի պարտականությունն է ապահովել սահմանային անցակետի պատշաճ պայմանները, ինչը այժմ իրականացնում են։
Հիշեցնենք՝ 2023 թվականի գարնանը Մարգարա գյուղի անցակետի տարածքը փոխանցվել է ՀՀ պետական եկամուտների կոմիտեի տնօրինությանը։
Մայիսի վերջին կոմիտեն «Մարգարա» մաքսակետի կառուցման նպատակով նախագծանախահաշվային աշխատանքների նախապատրաստման վերաբերյալ պայմանագիր է կնքել «Արբակ և որդիներ» ՍՊԸ-ի հետ։
Նախագծով նախատեսվում է կառուցել մեկհարկանի սպասարկման սրահ, երկու տաղավար բեռների ձևակերպման համար, երկու տաղավար հերթապահ հերթափոխի հանգստի համար, մաքսային զննման միահարկ մասնաշենք, ավտոկայանատեղիներ, հարթակներ, ներքին ճանապարհներ, երկու հսկիչ-անցագրային կետ և միահարկ պահեստ:
Մանրամասները՝ տեսանյութում։
