24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Էրդողանի այցի արդյունքներով Թուրքիայի և ԱՄԷ-ի միջև 50,7 մլրդ դոլարի 13 համաձայնագիր է ստորագրվել
Քաղաքականություն
20.07.2023 | 22:33
Թուրքիայի նախագահ Ռեջեփ Թայիփ Էրդողանի՝ Պարսից ծոցի երկրներ շրջագայության վերջին կանգառը ԱՄԷ-ն էր։ Բանակցությունների արդյունքում Թուրքիայի և ԱՄԷ-ի միջև կնքվել է 50,7 միլիարդ դոլարի 13 համաձայնագիր, փոխանցում է Անադոլու գործակալությունը։
«Կողմերը պայմանավորվել են ստեղծել Բարձր մակարդակի ռազմավարական խորհուրդ՝ Թուրքիայի և Արաբական Միացյալ Էմիրությունների նախագահների նախագահությամբ»,- ասվում է Թուրքիայի նախագահականի հաղորդագրության մեջ։
Նշվում է, որ Թուրքիայի և ԱՄԷ ղեկավարների բանակցությունների արդյունքում որոշվել է խորացնել համագործակցությունը այնպիսի ոլորտներում, ինչպիսիք են էներգետիկան, տրանսպորտը, ենթակառուցվածքները, լոգիստիկան, էլեկտրոնային առևտուրը, ֆինանսները, առողջապահությունը, պարենը, զբոսաշրջությունը, անշարժ գույքը, շինարարությունը, պաշտպանական արդյունաբերությունը, արհեստական բանականությունը և առաջադեմ տեխնոլոգիաները։ Այս ոլորտներին առնչվող էլ համաձայնագրեր են ստորագրվել 50,7 մլրդ դոլար ընդհանուր արժողությամբ։
Էմմա Չոբանյան
