Հունաստանն ու Թուրքիան համատեղ մասնակցել են ՆԱՏՕ-ի ծովային զորավարժություններին

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Թուրքիայի և Հունաստանի ռազմածովային ուժերը միացել են ՆԱՏՕ-ի ծովային զորավարժություններին՝ մինչ երկու հարևան պետությունները փորձում են բարելավել հարաբերությունները, գրում է Hurriyet-ը։

Թուրքական և հունական ռազմական միջոցները, ներառյալ ռեակտիվ կործանիչներն ու ֆրեգատները, միացել են Միջերկրական ծովում ՆԱՏՕ-ի Neptune Strike 23-2 զորավարժություններին։

«Ընդհանուր առմամբ, չորս նավ Հունաստանից, Թուրքիայից և Մեծ Բրիտանիայից անխափան կերպով ինտեգրվել են ՆԱՏՕ-ի պաշտպանական բազմազգ ուժերին, մինչ կործանիչները կատարել են ինչպես բարեկամական, այնպես էլ թշնամական ուժերի դերերը»,- ասված է ՆԱՏՕ-ի տարածած հաղորդագրությունում։

Նշվում է, որ հունական HS Limnos ֆրեգատը, թուրքական TCG Gökçeada և TCG Göksu ֆրեգատներն ու բրիտանական HMS Duncan-ը միացել են զորավարժությանը և ցուցադրել իրենց կարողությունն ու փոխգործունակությունը։

«Սովորաբար, երբ հունական և թուրքական ուժերը մասնակցում են ՆԱՏՕ-ի նույն զորավարժություններին, նրանց փոխազդեցությունը շատ պարզ է, օրինակ՝ որոշակի մանևրումներ կամ վառելիքի լիցքավորում։ Այս անգամ հունական Limnos ֆրեգատը, թուրքական TCG Gökçeada և TCG Göksu ֆրեգատները, վեց հունական F-16 և բրիտանական HMS Duncan կործանիչը ներգրավվել են հակառակորդի կործանիչներից պաշտպանվելու և որսալու սցենարում»,- գրում են հունական աղբյուրները։

Նշվում է, որ սցենարը մշակվել է Մեծ Բրիտանիայում տեղակայված ՆԱՏՕ-ի ռազմածովային հրամանատարության կողմից, ըստ երևույթին, հատուկ ընդգծելու համար թուրք-հունական համագործակցության ընդլայնումը:

Հավելենք, որ երկու երկրների հարաբերություններում վերջին տարիների լարվածությունն այժմ փոքր-ինչ նվազել է, երկրների ղեկավարների ագրեսիվ ու սպառնալից հռետորաբանությունը՝ նույնպես։

Վիլնյուսում ՆԱՏՕ-ի գագաթնաժողովի շրջանակում Թուրքիայի նախագահ Ռեջեփ Թայիփ Էրդողանի և Հունաստանի վարչապետ Կիրիակոս Միցոտակիսի հանդիպումը համարվում է երկու երկրների միջև հարաբերությունների նոր փուլի մեկնարկ։ Երկու ղեկավարները պայմանավորվել են այս աշնանը Սալոնիկում բարձր մակարդակի հանդիպում անցկացնել։

Էմմա Չոբանյան