24.02.2026 | 15:34
Զելենսկին առաջին անգամ ցուցադրել է նախագահական բունկերը, որտեղ անցկացրել է պատերազմի առաջին ամիսները․ ՏԵՍԱՆՅՈՒԹ
ՆԱՏՕ-ն նախազգուշացրել է Կոսովոյին Թուրքիայից «Բայրաքթար»-ների գնման առնչությամբ
Քաղաքականություն
18.07.2023 | 22:58
Կոսովոյում ՆԱՏՕ-ի ուժերը նախազգուշացրել են տեղի կառավարությանը Թուրքիայից մահաբեր անօդաչու թռչող սարքերի գնման կապակցությամբ՝ նշելով, որ խաղաղապահները շարունակում են վերահսկել օդային տարածքը։ Այս մասին գրում է Agence France-Presse-ը, որին վկայակոչում է Turkish Minute-ը։
Միջազգային KFOR-ի խաղաղապահ ուժերի հայտարարությունը հնչում է մեկ օր անց այն բանից հետո, երբ վարչապետ Ալբին Կուրտին հայտարարել էր Թուրքիայից Bayraktar TB-2 անօդաչու թռչող սարքերի գնման և մատակարարման մասին։
«Բոլոր կատեգորիաների անօդաչու թռչող սարքերի օգտագործման և դրա հետ կապված սահմանափակումների, ներառյալ՝ Bayraktar TB-2-ի, Կոսովոյի ուժերի հրամանատարն ունի առաջնային իրավասություն Կոսովոյի օդային տարածքի համար»,- ասվում է KFOR-ի հայտարարության մեջ:
Հավելենք, որ լարվածությունը Կոսովոյում շարունակում է բարձր մնալ հյուսիսում սերբական մեծամասնությամբ բնակեցված շրջաններում ամիսներ շարունակվող անկարգություններից հետո։ Կուրտին էլ պատրաստվում է այս շաբաթ Բրյուսելում հանդիպել Սերբիայի նախագահ Ալեքսանդր Վուչիչի հետ։
«Մենք համալրել ենք մեր բանակի զինանոցը «Բայրաքթար» անօդաչուներով, որոնք գնել ենք Թուրքիայից։ Կառավարման երկու տարում մենք ավելացրել ենք բանակի թվաքանակն ավելի քան 80 տոկոսով, իսկ բանակի բյուջեն՝ ավելի քան 100 տոկոսով»,- սոցցանցերում գրել էր Կուրտին։
Նա նաև նշել էր, որ անօդաչուների շնորհիվ «Կոսովոն ավելի ապահով է դարձել»։
Էմմա Չոբանյան
