15.06.2026 | 14:07
«Եթե հանկարծ արտահանձնվի, նրա կյանքին վտանգ կսպառնա». ՀՀ-ում բելառուս իրավապաշտպան է ձերբակալվել
«Որևէ մեկի հրաժարականը չի կարող չարաշահումը կոծկելու հիմնավորում կամ պատճառ լինել»․ Էդմոն Մարուքյան․ ՏԵՍԱՆՅՈՒԹ
Քաղաքականություն
10.07.2018 | 15:22
Ազգային ժողովի «Ելք» խմբակցության պատգամավոր Էդմոն Մարուքյանն այսօր Ընտրական օրենսգրքի փոփոխությունների վերաբերյալ քննարկումներից հետո Ազգային ժողովում լրագրողների հետ զրույցում, նշեց, որ կան բավականին շատ հարցեր, որոնք բարձրաձայնել են 4 նիստերի ընթացքում և դրանց տրվել են պատասխաններ․ «Թե որքանով են դրանք բավարարել քաղաքական ուժերին, դա իրենց գործն է, իսկ մեր մասով մենք խնդիր չունենք, քանի որ «Ելք»-ի առաջարկները ներկայացրել ենք»։
Պատգամավորը նշեց, որ անկախ հանձնաժողովների նիստերում տեղի ունեցող քննարկումներից, Ընտրական օրենսգրքի վերջնական տարբերակը հաստատվելու է Ազգային ժողովում, և այս մասով դեռևս վերջնական ճշմարտություն ասված չէ։
Անդրադառնալով ներքաղաքական այլ զարգացումներին, մասնավորապես, Տարոն Մարգարյանի հրաժարականին, պատգամավորը նշեց․«Բազմաթիվ տեղերում բազմաթիվ մարդիկ հրաժարականներ են տալիս, և Տարոն Մարգարյանը, կարծում եմ, այդ տրամաբանության մեջ է հրաժարական տվել։ Ինչ վերաբերում է չարաշահումներին՝ որևէ մեկի հրաժարականը չի կարող չարաշահումը կոծկելու հիմնավորում կամ պատճառ լինել»։
Մանրամասները՝ տեսանյութում։
