16.05.2026 | 10:40
Մատեյս դե Լիգտը բաց կթողնի աշխարհի առաջնությունը
Բելառուսի ՊՆ-ն հայտնել է, որ երկիր են ժամանել «Վագների» վարձկանները
Քաղաքականություն
14.07.2023 | 21:41
«Վագներ» մասնավոր ռազմական խմբավորման մարտիկները Բելառուսի տարածքային զորքերի ստորաբաժանումների հետ «որպես հրահանգիչներ» պարապմունքներ են անցկացնում։ Այս մասին հայտնում է Բելառուսի ՊՆ-ն, փոխանցում է BBC-ի ռուսական ծառայությունը։
««Վագների» մարտիկները հանդես են եկել որպես հրահանգիչներ մի շարք մարտական կարգերում»,- ասվում է հաղորդագրության մեջ։
Ռազմական թղթակից Ալեքսանդր Կոցը նախօրեին հայտնել էր, որ վագներականները, հավանաբար, սկսել են վերատեղակայվել դաշտային ճամբարներից։ Ըստ նրա՝ առանց ծանր տեխնիկայի երկար շարասյան մեջ, որը M4 մայրուղով շարժվում էր դեպի Մոսկվա, եղել են բելառուսական համարանիշերով ավտոբուսներ, ինչի արդյունքում «կարելի է խոսել անուղղակիորեն տեղակայման վայրի մասին»։
Հունիսի 26-ին խմբավորման հիմնադիր Եվգենի Պրիգոժինի ապստամբությունից հետո ՌԴ նախագահ Վլադիմիր Պուտինը վագներականներին առաջարկել է պայմանագիր կնքել ՊՆ-ի կամ այլ իրավապահ մարմինների հետ, վերադառնալ իրենց ընտանիքներ կամ մեկնել Բելառուս։
Բելառուսի առաջնորդ Ալեքսանդր Լուկաշենկոն էլ հայտարարել էր, որ նրանց առաջարկվել է տեղավորվել նախկին ռազմական ավաններում։
Էմմա Չոբանյան
