25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Պատերազմը Կրեմլին հեռու է շպրտել իր սկզբնական նպատակներից․ ISW
Քաղաքականություն
13.07.2023 | 16:38
Վիլնյուսում ՆԱՏՕ-ի գագաթնաժողովը ցույց է տվել, որ 2022 թվականի փետրվարին Ռուսաստանի կողմից սանձազերծված պատերազմն Ուկրաինայի դեմ Մոսկվային հետ է շպրտել այն նպատակներից, որոնց, Կրեմլը պատրաստվում էր հասնել ներխուժմամբ: Այս մասին ասվում է Պատերազմի ուսումնասիրության ինստիտուտի (ISW) ամենօրյա զեկույցում, փոխանցում է DW-ի ռուսական ծառայությունը։
Մոսկվայում պատերազմի հիմնական նպատակներից մեկը հայտարարում էին ՆԱՏՕ-ի ընդլայնման կանխումը և դաշինքի սահմանների հեռավորությունը Ռուսաստանի Դաշնությունից։ Այս նպատակը բազմիցս կրկնվել է պատերազմի ժամանակ։
Ինստիտուտի փորձագետների կարծիքով՝ ՆԱՏՕ-ի գագաթնաժողովի համար ռուսական տեղեկատվական տարածքում ռեզոնանսի բացակայությունը, Ֆինլանդիայի անդամակցությունը դաշինքին, ինչպես նաև Թուրքիայի համաձայնությունը՝ վավերացնել Շվեդիայի անդամակցության հայտը, վկայում են այն մասին, որ Կրեմլն ընդունել է այդ պարտությունները։
Զեկույցում նշվում է, որ ռուսական շատ աղբյուրներ ՆԱՏՕ-ի գագաթնաժողովի մասին հայտնում են անկիրք տոնով, որը համաչափ չէ այն լուրջ պարտությանը, որն այս գագաթնաժողովն իրականում ներկայացնում է պատերազմից առաջ հռչակված Ռուսաստանի նպատակների համար։
Էմմա Չոբանյան
