15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Քնած փղից մինչև իսրայելական ցույցեր. հայտնի են Drone Photo Awards 2023 հաղթողները․ ԼՈՒՍԱՆԿԱՐՆԵՐ
Քաղաքականություն
12.07.2023 | 23:17
Տոսկանայում տեղի է ունեցել Drone Photo Awards 2023 հեղինակավոր մրցանակաբաշխությունը և որոշվել են անօդաչուներից արված լավագույն լուսանկարները, հաղորդում է Euronews-ը։
Նշվում է, որ 9 անվանակարգում 2500 մասնակից է եղել։ Բացարձակ հաղթող է ճանաչվել աերոլուսանկարչության իսրայելցի վարպետը Օր Ադարը՝ «Պետք է դիմադրել» («Դիմադրել») օդային գլուխգործոցի հեղինակը։ Լուսանկարում հազարավոր ցուցարարներ են սեղմված բռունցքներով, ավտորիտար առաջնորդների դիմանկարներով ու «Ստարտափ ազգից մինչև ինտերնետի անջատում» մակագրությամբ պաստառով։ Ժյուրիի կարծիքով՝ լուսանկարչին հաջողվել է ֆիքսել Իսրայելում դատաիրավական բարեփոխումների հակառակորդների հզոր ելույթների ոգին։
Urban անվանակարգում հաղթել է Սեբաստիան Պիորեկի «Մանկական խաղահրապարակ» լուսանկարը՝ արված Լեհաստանում, վայրի բնություն անվանակարգում հաղթել է Ջահու Պարանի «Քնած հսկան» լուսանկարը, որը պատկերում է քնած փղի։
Սպորտ անվանակարգում հաղթել է Դավիդ Մաշեի Highline՝ Ալպերում արված լուսանկարը, մարդիկ անվանակարգում՝ Սայմոն Հիզերի «Լողափի երանություն» լուսանկարը, բնություն անվանակարում՝ Թոմաս Վիջայանի «Օստոֆոնի սառցե գլխարկը» նկարը, աբստրակցիա անվանակարգում՝ Իգնասիո Մեդեմի «Երկրի տանջված թոքերը» լուսանկարը։
Հարսանեկան լուսանկարների անվանակարգում էլ հաղթել է Քշիշտոֆ Կրավչիկի «Լողալ աստղերում» նկարը, իսկ Foodscapes անվանակարում՝ Ջորջ Շտայնմեցի լուսանկարների շարքը։
Drone Photo Awards-ը վիզուալ արվեստի հայտնի Siena Awards փառատոնի անբաժանելի մասն է:
Էմմա Չոբանյան
