24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Հարավաֆրիկյան Հանրապետությունում 11 տարվա մեջ առաջին անգամ ձյուն է տեղացել․ ԼՈՒՍԱՆԿԱՐՆԵՐ
Քաղաքականություն
11.07.2023 | 23:21
Հարավաֆրիկյան Հանրապետության ամենամեծ քաղաքում՝ Յոհաննեսբուրգում, բնակիչները զարմացել են ձյան տեղումներից, գրում է The Guardian-ը։
Նշվում է, որ վերջին մեկ տասնամյակի ընթացքում առաջին ձյան տեղումներն են, որոշ երեխաներ առաջին անգամ են ձյուն տեսել:
Մինչ Հարավային Աֆրիկայի որոշ հատվածներում պարբերաբար ձյուն են տեսնում, Յոհաննեսբուրգում վերջին անգամ ձյուն տեղացել է 2012 թվականի օգոստոսին:
Սոցցանցերում քաղաքի բնակիչները ձյունը բնութագրել են որպես «իսկական հրաշք», «շաբաթվա հիանալի սկիզբ»։
Վիտվաթերսրանդի համալսարանի ֆիզիկական աշխարհագրության պրոֆեսոր Ջենիֆեր Ֆիչեթն ասել է, որ ձյունը դժվար թե երկար տևի, տեղումները պայմանավորված են բարձր խոնավությամբ, ցածր ջերմաստիճանով և ցուրտ քամիներով:
«Դա տեղի է ունենում մոտ 10 տարին մեկ անգամ: Մենք այն տարածքը չենք, որտեղ շատ ձյուն է տեղում, և դա մասամբ պայմանավորված է նրանով, որ ձմռանը մենք չորային պայմաններ ունենք»,- ասել է նա։
Պրոֆեսորը նշել է, որ վերջին անգամ ձյուն է տեղացել 2012 թվականին, իսկ դրանից առաջ՝ 2007 թվականին։
Էմմա Չոբանյան
