Ինչ պայմաններով է Էրդողանը համաձայնել ՆԱՏՕ-ին Շվեդիայի անդամակցությանը

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Վիլնյուսում ՆԱՏՕ-ի գագաթնաժողովի մեկնարկից առաջ նախօրեին տեղի ունեցավ Թուրքիայի նախագահ Ռեջեփ Թայիփ Էրդողանի, ՆԱՏՕ-ի գլխավոր քարտուղար Յենս Ստոլտենբերգի և Շվեդիայի վարչապետ Ուլֆ Քրիստերսոնի եռակողմ հանդիպումը դաշինքին Ստոկհոլմի անդամակցության հարցով։ Այս բանակցություններից հետո էլ Էրդողանը հանդիպել է Եվրոպական խորհրդի նախագահ Շառլ Միշելին։

Հանդիպումներից հետո Ստոլտենբերգը հայտարարել է, որ Էրդողանը համաձայնել է ՆԱՏՕ-ին Շվեդիայի անդամակցությանը, և Ստոկհոլմի հայտը շուտափույթ կփոխանցվի Ազգային Մեծ ժողովին՝ վավերացման համար։

ՆԱՏՕ-ն հաղորդագրություն է հրապարակել, որից պարզ է դառնում, թե ինչի շուրջ են կողմերը համաձայնության հասել։

Նշվում է, որ ՆԱՏՕ-ի վերջին գագաթնաժողովից ի վեր Շվեդիան և Թուրքիան սերտորեն համագործակցել են անվտանգության շուրջ Անկարայի մտահոգությունները լուծելու համար: Որպես այդ գործընթացի մաս՝ Շվեդիան փոխել է իր օրենսդրությունը, զգալիորեն ընդլայնել է ահաբեկչության դեմ պայքարում PKK-ի դեմ համագործակցությունը և վերսկսել զենքի արտահանումը Թուրքիա, այսինքն՝ 2022 թվականին համաձայնեցված եռակողմ հուշագրով նախատեսված բոլոր քայլերը։

Շվեդիան և Թուրքիան պայմանավորվել են շարունակել համագործակցությունը 2022 թվականին Մադրիդում կայացած ՆԱՏՕ-ի գագաթնաժողովում ստեղծված Եռակողմ մշտական համատեղ մեխանիզմի շրջանակում, ինչպես նաև Անվտանգության նոր երկկողմ համաձայնագրի շրջանակում։ Նշվում է, որ ամեն տարի նախարարների մակարդակով հանդիպումներ կլինեն, անհրաժեշտության դեպքում կստեղծվեն աշխատանքային խմբեր: Առաջին հանդիպմանը Շվեդիան ներկայացնելու է ճանապարհային քարտեզ՝ որպես ահաբեկչության դեմ պայքարի հիմք։ Շվեդիան նաև վերահաստատել է, որ աջակցություն չի ցուցաբերի YPG/PYD-ին և Թուրքիայում FETÖ կոչվող կազմակերպությանը։

ՆԱՏՕ-ում գլխավոր քարտուղարի կողմից ստեղծվելու է առաջին անգամ ահաբեկչության դեմ պայքարի հարցերով հատուկ համակարգողի պաշտոնը:

Կողմերը հավատարիմ են սկզբունքին, որ դաշնակիցների միջև պաշտպանական ոլորտում առևտրի և ներդրումների համար չպետք է լինեն սահմանափակումներ, խոչընդոտներ կամ պատժամիջոցներ և աշխատելու են նման խոչընդոտները վերացնելու ուղղությամբ։ Խոսքն այստեղ պաշտպանական ոլորտում Թուրքիայի դեմ առկա սահմանափակումները վերացնելու մասին է։

Շվեդիան և Թուրքիան նաև պայմանավորվել են ուժեղացնել տնտեսական համագործակցությունը Թուրքիա-Շվեդիա համատեղ տնտեսական և առևտրային կոմիտեի (JETCO) միջոցով: Շվեդիան նաև ակտիվորեն աջակցելու է Թուրքիայի՝ ԵՄ-ին անդամակցության գործընթացի ակտիվացմանն ուղղված ջանքերին, այդ թվում՝ ԵՄ-Թուրքիա մաքսային միության արդիականացմանը և վիզային ռեժիմի ազատականացմանը։

Այս ամենի հիման վրա էլ Թուրքիան Շվեդիայի՝ ՆԱՏՕ-ին միանալու հայտը կփոխանցի Ազգային Մեծ ժողովին և սերտորեն կաշխատի օրենսդիր մարմնի հետ՝ վավերացումն ապահովելու համար:

Էմմա Չոբանյան