02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Թայվանը Պեկինի կողմից մոտ ապագայում հարձակում չի սպասում, բայց պատրաստվում է դրան․ NBC
Քաղաքականություն
05.07.2023 | 22:51
Թայվանի բնակիչները մոտ ապագայում Պեկինի կողմից հարձակում չեն սպասում, սակայն, այնուամենայնիվ, պատրաստվում են դրան՝ ուժեղացնելով պաշտպանությունը։ Այս մասին հայտնում է NBC News-ը՝ վկայակոչելով Թայվանի ԱԳՆ ղեկավարին։
«Մենք Չինաստանից եկող վտանգն անխուսափելի չենք համարում, սակայն սպառնալիքը գնալով ավելանում է: Դա շատ ակնհայտ է»,- ասել է Ջոզեֆ Վուն։
Նա, միաժամանակ, հավելել է, որ եթե կղզու բնակչությունը չի ցանկանում կամ չի կարողանում «պաշտպանվել», ապա իրավունք չունի խնդրել այլ երկրներին՝ օգնել Թայվանին, այդ թվում՝ կղզի օտարերկրյա զենք մատակարարել։
Նշվում է, որ Թայվանի իշխանությունները ձգտում են առավելագույնս օգտագործել իրենց պաշտպանական ռեզերվները՝ շեշտը դնելով զինվորականների ու պահեստազորի պատրաստման վրա։ Կղզում պարտադիր զինվորական ծառայությունը հաջորդ տարվանից կերկարաձգվի չորս ամսից մինչև մեկ տարի։
Ըստ հեռուստաալիքի՝ Թայվանի իշխանություններն ԱՄՆ-ին կոչ են անում արագացնել լրացուցիչ 66 միավոր F-16 կործանիչների մատակարարումը, որոնք Թայվանը գնել է 2019 թվականին։
Տաթև Ֆռանգյան
