Ալիևն իր հանքերի դեմ բողոքող գյուղը երկու շաբաթ է՝ շրջափակման ու վախի մեջ է պահում

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ադրբեջանի Գետաբեկի շրջանի Սոյուդլի գյուղու ոսկու հանքերի դեմ էկոակցիաներից անցել է երկու շաբաթ, երբ ոստիկանությունն անհամաչափ ուժի կիրառմամբ և ակցիայի մասնակիցներին ծեծի ենթարկելով կասեցրեց դրանք։ Սակայն գյուղում իրավիճակը շարունակում է մնալ լարված, բնակավայրի ոստիկանական շրջափակումը շարունակվում է․ տեղի բնակիչներից բացի՝ ոստիկանները ոչ ոքի թույլ չեն տալիս գյուղ մտնել։

Գյուղի բնակիչներից մեկը, որը չի ցանկացել նշել անունը, Abzas Media-ին պատմել է, որ ոստիկանները սպառնում են բնակիչներին՝ չբարձրաձայնել իրենց պահանջները։ Գյուղացիները նշում են, որ ոստիկանությունն իրենց վախի մեջ է պահում։ Մարդկանց, որոնք լրագրողների հետ խոսում են գյուղի խնդիրների մասին, կա՛մ ձերբակալում են, կա՛մ սպառնում ձերբակալել։

Բնակիչներից մեկն էլ նշել է, որ եթե ոստիկանները գյուղում որևէ մեկին կասկածում են, զանգում են ոստիկանության բաժին։

«Երբ չեն գնում, գալիս են գյուղ, տանում են։ Հեռախոսը ձեռքից վերցնում, ստուգում են, թե ում հետ է շփվում»,- պատմել է բնակիչը։

Նրա խոսքով՝ բնապահպանության նախարար Մուխթար Բաբաևը գյուղում ընդունել է ոչ թե ցուցարարների, այլ հավատարիմ քաղաքացիների։ Թեև ինքը նույնպես ցանկացել է մասնակցել հանդիպմանը, սակայն թույլ չեն տվել մոտենալ հանդիպման վայրին։ Բնակիչն ասել է, որ իրենց հիմնական պահանջը երկրորդ պոչամբար չկառուցելն ու ձերբակալվածներին ազատ արձակելն է։

«Թոքերս հիվանդ են, չեմ կարողանում շնչել։ Ես խեղճ մարդ եմ, աղքատներին բոլորն են ճնշում, մեր միակ խնդրանքն այն է, որ երկրորդ լիճը չկառուցեն։ Մենք պահանջում ենք նաև ազատ արձակել ձերբակալվածներին»,- ասել է նա։

ՆԳՆ մամուլի ծառայությունից հրաժարվել են պատասխանել լրատվամիջոցի հարցերին։

Հիշեցնենք, որ գյուղի բնակիչները երկու օր շարունակ՝ հունիսի 20-ին և 21-ին բողոքի ակցիաներ էին անցկացնում՝ բողոքելով նախագահ Իլհամ Ալիևի ընտանիքին պատկանող ոսկու հանքերի դեմ։ Թեև իրավաբանորեն հանքերի շահագործմամբ զբաղվում է Anglo Asian Mining ընկերությունը, որը բրիտանական է համարվում, իսկ հիմնական բաժնետերը իրանական ծագմամբ Ռեզա Վազիիրին է, ըստ տարբեր տեղեկությունների՝ այն իրականում պատկանում է Ադրբեջանի նախագահ Իլհամ Ալիևի կնոջն ու դստերը՝ Մեհրիբան և Լեյլա Ալիևաներին։ Գյուղացիները բողոքում են ոսկու արդյունահանման թափոնների արտահոսքի համար երկրորդ արհեստական լճակի կառուցման դեմ՝ նշելով, որ դրանք կառուցում են իրենց արոտավայրերում։ Բնակիչները նշում են, որ լճակների կառուցումը, որտեղով թթվային ջրերն են հոսում, բացասաբար է անդրադառնում շրջակա միջավայրի և մարդկանց առողջության վրա։ Իշխանությունները ոստիկանական զորքերով և հատուկ միջոցներով ճնշել են բնակիչների էկոակցիան, նրանց նկատմամբ կիրառել արցունքաբեր գազ, մահակներ՝ ծեծի ենթարկելով նաև տարեցներին։

Գյուղի բնակիչներից 10-ից ավելի ձերբակալված կա, որոշները 20-օրյա վարչական կալանքի են դատապարտվել։ Իրավապահ մարմինները ձերբակալվածների իրական թիվը չեն նշում։

Իշխանությունները գյուղում տրամադրությունները մեղմելու համար բնապահպանության նախարար Մուխթար Բաբաևի գլխավորությամբ պետական հանձնաժողով են ձևավորել, որը շարունակում է բնակավայրում մոնիթորինգ իրականացնել։

Էմմա Չոբանյան