14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Երբ ձախողվում ենք, դա մեր ձախողումն է, ոչ թե միջնորդների. Վլադիմիր Կարապետյան
Քաղաքականություն
05.07.2017 | 17:00
Հայկական կողմը պետք է պատրաստի լինի ցանկացած զարգացման՝ ամեն ինչ անելով, որ Ադրբեջանը զգա, թե ինչպիսին է լինելու պատասխան հարվածը: Այս մասին Factor.am- ի հետ զրույցում հայտարարեց ՀԱԿ արտաքին հարաբերությունների հանձնաժողովի նախագահ Վլադիմիր Կարապետյանը:
«Ադրբեջանը փորձում է պահպանել լարվածությունը՝ ճնշում գործադրելով հայկական կողմի վրա: Ադրբեջանը շտապողականություն է ցուցաբերում՝ հաշվի առնելով այն, ինչ տեղի է ունենալու Հայաստանում մի քանի ամիս հետո. խոսքը լիարժեք խորհրդարանական համակարգին անցնելու մասին է, ինչը միանձնյա բանակցող Սերժ Սարգսյանին կարող է վերածել կոլեգիալ մարմնի ներկայացուցչի»,-շարունակեց ՀԱԿ անդամը՝ պնդելով, որ այդ իրավիճակում համաձայնությունների ձեռք բերումը կբարդանա:
Ինչ վերաբերում է ԵԱՀԿ Մինսկի խմբի համանախագահների վերջին ոչ հասցեական հայտարարությանը, ապա Կարապետյանի համոզմամբ՝ դա հայկական կողմի ձախողումն է: «Մենք ականատես ենք եղել հասցեական հայտարարությունների: Երբ ձախողվում ենք, դա մեր ձախողումն է, ոչ թե միջնորդների: Ես դեմ եմ միջնորդների վրա բարդելու քաղաքականությանը»,- ընդգծեց Կարապետյանը:
Հիշեցնենք՝ հուլիսի 4-ին արցախա-ադրբեջանական հակամարտ զորքերի շփման գծում հակառակորդը շարունակել է խախտել հրադադարի պահպանման ռեժիմը տարբեր տրամաչափի ականանետերից, իսկ ժամը 20:20-ի սահմաններում հարավային ուղղությամբ կիրառել է նաև ՏՌ-107 տիպի համազարկային հրթիռային կայանքներ: Արցախի ՊԲ-ն դիմել է պատասխան գործողությունների, ինչի հետևանքով ադրբեջանական կողմը կորուստներ է կրել:
Շողիկ Գալստյան
Մանրամասները՝ տեսանյութում:
