Փոխադարձ վիրավորանքներ և գոռգոռոցներ ԱԺ-ում. հայտարարվեց ընդմիջում․ ՏԵՍԱՆՅՈՒԹ

Լուրեր

20.11.2026 | 13:56
«Եվրոպական եռյակի» ներկայացուցիչների այցը ՌԴ քննարկվում է․ Ռյաբկով
20.11.2026 | 13:47
Փաշինյանին հեռացնելու 100 տոկոսանոց հնարավորություն ունեք. Ռուբինյան․ ՏԵՍԱՆՅՈՒԹ
20.11.2026 | 13:45
Սահմանադրության նախագիծը կհրապարակվի երկուշաբթի․ Փաշինյան. ՏԵՍԱՆՅՈՒԹ
20.11.2026 | 13:40
Հայաստանի հավաքականի բռնցքամարտիկները մրցաշարի կմասնակցեն Լեհաստանում
20.11.2026 | 13:32
Վարչապետը հայ ժողովրդին երբեք չի խաբել, սուտ է ասում Աբրահամյանը. Սոնա Ղազարյան․ ՏԵՍԱՆՅՈՒԹ
20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
20.11.2026 | 13:15
Սամվել Կարապետյանի հետ այսպես խոսել չի´ կարելի, մենք չենք վախենում. Աբրահամյանը` Փաշինյանի առաջարկի մասին. ՏԵՍԱՆՅՈՒԹ
20.11.2026 | 13:07
Աբխազիայի հայերին ՌԴ քաղաքացիություն են խոստացել՝ ՀՀ-ում կոնկրետ ուժի քվեարկելու դիմաց․ ահազանգ․ ՏԵՍԱՆՅՈՒԹ
20.11.2026 | 13:01
Լիանա Գասպարյանը ձայանգրություն միացրեց․ ՏԵՍԱՆՅՈՒԹ
20.11.2026 | 12:58
Իրանի դեմ պատերազմն ԱՄՆ-ին արժեցել է 48,3 միլիարդ դոլար․ Սենատը մերժել է բանաձևը, որը Թրամփին կոչ էր անում դադարեցնել Իրանում պատերազմը
20.11.2026 | 12:50
ՀՀ-ի եվրոպական ինտեգրումն ու տնտեսական համագործակցությունը քննարկվել են Մհեր Գրիգորյանի և Չեխիայի դեսպանի հանդիպմանը
20.11.2026 | 12:38
Ուկրաինական ԱԹՍ-ները հարձակվել են ՌԴ Սմոլենսկի մարզի պայթուցիկ նյութերի բաղադրիչների արտադրության գործարանի վրա
20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
Բոլորը

Այսօր «Հայաստան» խմբակցության քարտուղար Արծվիկ Մինասյանի ելույթից հետո ԱԺ-ում իրավիճակը լարվեց, իշխանական և ընդդիմադիր պատգամավորները սկսեցին վիճաբանել, կողմերը իրարից նախ հարգանք պահանջեցին, ապա իրար «սրիկա» անվանեցին, ինչից հետո նիստն ընդմիջվեց:

Ընդմիջում հայտարարելուց հետո ԱԺ դահլիճում շարունակվում էին փոխադարձ վիրավորանքներն ու գոռգոռոցները։

«Հանգստացե՛ք։ Հարգելի՛ գործընկերներ, բոլորդ լքե՛ք դահլիճը,- հորդորեց ԱԺ փոխնախագահ Ռուբեն Ռուբինյանը։

Նշենք, որ մինչ այդ ԱԺ նիստում «Հայաստան» խմբակցության քարտուղար Արծվիկ Մինասյանը, անդրադառնալով իշխանական պատգամավորների քննադատությանն առ այն, որ ընդդիմության պատգամավորները ոչ միայն չեն մասնակցել պատգամավոր Վիգեն Խաչատրյանի հոգեհանգստյանը և հուղարկավորությանը, այլ նաև այսօրվա նիստին ուշացումով են եկել, որպեսզի մեկ րոպե լռությամբ չհարգեն նրա հիշատակը, նշեց․ «Հոգեքննությամբ անընդհատ զբաղվելը ոչ միայն ազնիվ չէ, այլ դրանով ձեզ եք վարկաբեկում: Պարոն Վիգեն Խաչատրյանի հոգուն հաստատ դրանով հանգստություն չեք բերում: Դուք մինչև հիմա չեք էլ հասկացել, որ մարդու հոգեհանգստին մասնակցությունն անձնական հարց է:

Երբ քաղաքականացնում եք այդ հարցերը, նույն ձևով կարող ենք ձեզ հարցնել՝ ո՞ւր էիք դուք գեներալ Մանվել Գրիգորյանի հուղարկավորությանն ու հոգեհանգստին, ո՞ւր էիք դուք Վիգեն Ստեփանյանի, Արմեն Գրիգորյանի, պատմաբան Արտակ Մովսիսյանի հոգեհանգստին: Դուք հիմա ապացուցում եք, որ այն արժեքները, որոնք հայտարարել եք և եկել իշխանության, աստիճանաբար և կոպիտ ձևով ջարդելով՝ անցնում եք ամեն ինչի վրայով»։
ԱԺ նախագահ Ալեն Սիմոնյանն արձագանքեց․ ասելով. «Պարո՛ն Մինասյան, Ձեր անձնական և Ձեր շրջապատի անկախությունը Հայաստանի և Արցախի անկախության հետ մի՛ շփոթեք, մեղք է: Թեև դուք հիմա շատ ավելի ազատ ու անկախ եք, քան նախկինում, ուղղակի եչք զգում: Ինչ վերաբերում է գործող գործընկերոջ հոգեհանգստին մասնակցելուն, դա ձեր խղճի վրա եմ թողնում: Դուք ինձ խորհուրդ մի՛ տվեք, Դուք իմ գրառումը կարդացե՛ք ամեն օր կարդացեք ու ամաչե՛ք»:

ԱԺ-ում վիճաբանություն սկսվեց և փոխադարձ վիրավորանքներ հնչեցին։
Սիմոնյանը սկսեց պատասխանել նաև «Հայաստան» խմբակցության ղեկավար Սեյրան Օհանյանի` տեղից արված հայտարարություններին` ասելով. «Դուք Ձեր կյանքով զբաղվեք, Ձեր արժանապատվությունով, Ձեր արածներով․․․ Դատական նիստի ժամանակ կխոսեք դրա մասին»:
«Դու զբաղվի»,- ասաց Օհանյանը, ինչին ի պատասխան՝ Ալեն Սիմոնյանը նշեց․ ««Դու»-ն դու ես, չհամարձակվեց Հայաստանի ԱԺ նախագահի հետ «դու»-ով խոսել»:

Օհանյանը հակադարձեց. «Դու ԱԺ նախագահ չես»:

«Բա դու ո՞վ ես, որ ես, որ ես ԱԺ նախագահը չեմ, դու ի՞նչ ես անում ստեղ, գնա տուն սարքի քեզ համար տարբեր տեղերում․․․ Ձեր գեներալները պարտվեցին»,-ասաց Ալեն Սիմոնյանը, ինչին Օհանյանն արձագանքեց. «Դու ես պարտվել»:

ԱԺ ամբոնի մոտ եկած «Քաղաքացիական պայմանագիր» խմբակցության ղեկավար Հայկ Կոնջորյանը միացավ լեզվակռվին և դիմելով Սեյրան Օհանյանին` ասաց․ «Պարո՛ն Օհանյան, Ձեզ կոռեկտ պահեք։ Դուք դաստիարակություն ստացե՞լ եք։ Դուք չգիտե՞ք, որ պատգամավորի հետ «դու»–ով չեն խոսում։ Սո՛ւս, ձա՛յնդ, լռի՛ր, առանց հավելյալ տվայտանքների։ Ի դեպ, մեծ մասը չլսեց, թե ինչ ասացիք ԱԺ նախագահին, հիմա ասում եմ` սրիկան դուք եք։ Ձա՛յնդ, պապանձվի՛ր, պապանձվի՛ր»։

Մանրամասները՝ տեսանյութում։