14.12.2025 | 18:20
Թաիլանդն ու Կամբոջան շարունակում են ռազմական գործողությունները
ՌԴ ռազմական մեքենան ճաք է տալիս․ Բորելը՝ Պրիգոժինի ապստամբության մասին
Քաղաքականություն
26.06.2023 | 13:15
«Վագներ» մասնավոր ռազմական խմբավորման վարձկանների ապստամբության փորձը ցույց է տալիս, որ ռուսական ռազմական մեքենան ճաք է տալիս Ուկրաինայի դեմ պատերազմի պատճառով։ Այս մասին ասել է եվրոպական դիվանագիտության ղեկավար Ժոզեպ Բորելը, որը Լյուքսեմբուրգ է ժամանել ԵՄ արտգործնախարարների հանդիպմանը, գրում է BBC-ի ռուսական ծառայոթյունը։
«Քաղաքական համակարգն ի ցույց դրեց իր փխրունությունը, իսկ ռազմական ուժը ճաք է տվել։ Տագնապալի է տեսնել, որ Ռուսաստանը, որպես միջուկային տերություն, կարող է մտնել քաղաքական անկայունության փուլ»,- ասել է նա։
««Վագների» դեմքով Պուտինի կողմից ստեղծված հրեշը կծում է իր ստեղծողին»,- նկարագրել է Բորելը Ռուսաստանում տեղի ունեցած վերջին իրադարձությունները։
Նրա խոսքով՝ Եվրամիությունը պետք է շարունակի աջակցել Ուկրաինային, ինչը կլինի Լյուքսեմբուրգում կայանալիք հանդիպման գլխավոր թեմաներից մեկը։
