15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
ՀՀ քաղաքացիներն ըստ անհրաժեշտության կարող են կապ հաստատել Դոնի Ռոստովում ՀՀ գլխավոր հյուպատոսության հետ․ ՀՀ ԱԳՆ-ն հեռախոսահամար է հրապարակել
Քաղաքականություն
24.06.2023 | 15:06
ՀՀ ԱԳՆ-ն հեռախոսահամար է հրապարակել՝ նշելով, որ ՀՀ քաղաքացիներն ըստ անհրաժեշտության կարող են կապ հաստատել Դոնի Ռոստովում ՀՀ գլխավոր հյուպատոսության հետ։
«Ռուսաստանի Դաշնության Ռոստովի մարզում ստեղծված իրավիճակով պայմանավորված, մարզում գտնվող ՀՀ քաղաքացիներն ըստ անհրաժեշտության կարող են կապ հաստատել Դոնի Ռոստովում ՀՀ գլխավոր հյուպատոսության հետ հետևյալ հեռախոսահամարով՝ +7 989 502 96 50։
ՀՀ գլխավոր հյուպատոսությունը շարունակում է աշխատել բնականոն հունով։
Մոսկվայում ՀՀ դեսպանության թեժ գիծ՝ +7 926 806 50 01»,- ասված է հայտարարությունում։
Հիշեցնենք, որ «Վագներ» մասնավոր ընկերության հիմնադիր Եվգենի Պրիգոժինը ՌԴ ՊՆ-ին մեղադրել էր իր ճամբարներին հարվածներ հասցնելու համար: «Հրթիռային հարված է հասցվել «Վագներ» ընկերության ճամբարներին: Բազմաթիվ զոհեր կան: Ականատեսների խոսքով` հարվածը հասցվել է թիկունքից, այսինքն` ՌԴ ՊՆ զինծառայողների կողմից»,- ասել էր Վագները` հավելելով, որ հաջորդ քայլն իրենցն է լինելու։ Պրիգոժինը նաև հայտարարել էր, որ պատրաստվում է ռազմական հեղաշրջում իրականացնել Ռուսաստանում։
Հաղորդվել էր, որ «Վագներ»-ի զինյալները ռազմական նշանակության օբյեկներ են գրավել Դոնի Ռոստովում և Վորոնեժում։
ՌԴ նախագահ Վլադիմիր Պուտինը տեսաուղերձով էր դիմել ռուսաստանցիներին՝ նշելով, որ «անխուսափելի պատիժ կստանան ՌԴ-ին մեջքից հարվածողներին»՝ նրանց հայրենիքի դավաճաններ հայտարարելով։
ՌԴ նախագահին ձայնային հաղորդագրությամբ պատասխանել էր Եվգենի Պրիգոժինը՝ ասելով․ «Հայերնիքին դավաճանության մասով նախագահը խորապես սխալվում է։ Մենք մեր հայրենասերներ ենք, մարտնչել ու մարտնչում ենք և ոչ ոք չի պատրաստվում նախագահի, ԱԴԾ-ի և կամ էլի ինչ-որ մեկի պահանջով մեղայականով ներկայանալ։ Քանի որ մենք չենք ցանկանում, որպեսզի երկիրը հետագայում ևս ապրի կոռուպցիայի, բյուրոկրատիայի ու խաբեության մեջ»։
